جوري بكر تنتقد ظهور الأطفال على السوشيال ميديا: أنا واحدة منكم غلطت

انتقدت الفنانة جوري بكر ظهور الأطفال على السوشيال ميديا، واستغلال الحياة الشخصية كمحتوى.

كتبت جوري بكر في منشور عبر حسابها الرسمي بموقع انستجرام: «كلنا خطائين، وكلنا بنغلط، وأنا واحدة منكم وأكيد غلطت».

وتابعت: «ومن ضمن أخطائي إني عرضت جزء من حياتي على السوشيال ميديا، بس الحمد لله إن ربنا رزقني بناس في حياتي نصحوني وقالولي إن ده غلط، وأنا فعلا سمعت كلامهم وتراجعت، وقررت أحافظ على خصوصيتي وحياتي لنفسي، والأهم إني أخفيت ابني تمامًا عن السوشيال ميديا».

واختتمت جوري بكر: «مش هكدب عليكم السوشيال ميديا بقت وحشة أوي، واللي كان زمان مشاركة وفرحة، بقى أحيانًا باب للتدخل والحكم والأذى، في حاجات أجمل لما تفضل بينك وبين ربنا وبينك وبين الناس اللي بتحبك بجد، أنا دلوقتي مؤمنة إن مش كل حاجة حلوة في حياتنا لازم الناس تعرفها، ومش كل نعمة لازم نعرضها».