«حبيت أربع مرات وسايب ذكرى حلوة في قلوبهم».. أحمد العوضي يتحدث عن الحب وعلاقاته العاطفية مع النساء

تحدث النجم أحمد العوض عن ماذا يمثل الحب في حياته، مشيرًا إلى أن الحب له مدة صلاحية وينتهي بجانب تأكيده أن كل السيدات اللاتي دخلن حياته قالوا أنه أكثر شخص احبوه.

وقال أحمد العوضي في تصريحات إعلامية: "الحب ليه مدة صلاحية ولو الحب انتهي بتفضل الذكريات الحلوة والقلب ممكن يحب أكتر من مرة".

وتابع العوضي كلامه: "عشت الحب الحقيقي ثلاث أو أربع مرات لو الست محستش انها ضعيفة قدام الراجل يبقى محبتش وبحب العوضي بتاع دلوقتي".

واستكمل أحمد العوضي حديثه، قائلًا: "كل اللي دخلت معاهم في علاقة عاطفية قالولي أنت أكتر واحد حبيته في حياتي وعمري ما كرهت حد وفي كل علاقتي سايب ذكريات حلوة".

واختتم كلامه عن الحب وقال: "أنا عايش حب حقيقي ومرتاح وناوي أتجوز ولو خلفت ولد هموت الخوف في قلبة ولو البنت هبقى صاحبها".