حجاج عبدالعظيم: أشرف لي القعدة في البيت لو الدور مش هادف

تحدث الفنان حجاج عبدالعظيم عن نوعية الأدوار التي يرفض تقديمها، موضحًا أن الدور الذي سيقوم به لابد أن يكون محوري ويقدم معلومة وفائدة للمشاهد.

قال حجاج عبدالعظيم عبر تصريحات تلفزيونية: «لو الدور اللي اتعرض عليّ مش هادف وفيه رغي كتير من غير معلومة، لو المخرج شاله في المونتاج مش هيأثر، معملوش».

وتابع: «لازم الدور يكون محوري ومهم، وإلا أشرف لي أقعد في البيت، أنا بيفرق معايا الكيف مش الكم».

واسنكمل حجاج عبدالعظيم: «فيه حاجة اسمها تواجد يعني الدور اللي لو المخرج شاله في المونتاج ميأثرش يبقى ملوش لازمة».

ويشار إلى أن آخر أعمال حجاج عبدالعظيم، مشاركته في مسلسل فهد البطل، وروى كواليس العمل قائلًا: «أول مرة نتعامل مع بعض، وكلمني وقال لي يا عم حجاج يشرفنى تكون موجود معانا، وأنا رحبت جدًا».

واختتم حجاج عبدالعظيم حديثه عن مشهد موت ابنته: «عيطت وانهرت، ولحد دلوقتي لما بفتكر المشهد بحس بنفس الإحساس، لأنه كان صعب جدًا».