حكاية أحمد السقا مع الأسد خلال تصوير فيلم أفريكانو.. كان بينه وبين الموت عضة

كشف الفنان أحمد السقا تفاصيل تصوير فيلم أفريكانو، معلقا: كنا بنصور في الغابة وتحت ضغط جوهانسبرج، إن أنت بتصور وفي ناس محاوطاك واقفة بتليسكوبات وبنادق عشان لو حد جه ناحيتك من الغابة يصطادوها.

وخلال برنامج قبل الماتش، تقديم عمرو رمزي ومحمد ثروت، تابع أحمد السقا: مشيت بعد التصوير حوالي 7 متر كدا، ولقيت من وسط الغاب طالعة لي بعينين مشمشي، وراحت مطلعا دماغها كدا وطلعت أنثى أسد، وكان واضح أنها جعانة بقالها كام يوم، وابتدت بقى اللي هو عارف أيه حركة اللسان الطويل اللي توصل لمناخيرها دي وترجع واللي بتدل على أنها جعانة».

وواستكمل أحمد السقا: معروف أن الأسد مبيسخنش قبل ما ينزل، الأسد لو هيصطاد غزالة بيخلص على طول، وببص ورايا لقيت السلك الشائك المكهرب الحاجز بين المنطقة الآمنة والغابة.

واختتم قائلا: «نطيت بسرعة من فوق السلك، وفقدت الوعي بتاع 7  دقايق لأن الأرض هناك حصى،  وقسماً بالله السلك ده بقى مكهربينه عشان هي متعديش، يعني كويس أساساً وإني وأنا داخل متكهربتش».