حمو بيكا يرد على محمد شاهين: «الأغنية نزلت وأنا نايم»

رد المطرب الشعبي حمو بيكا علي الفنان محمد شاهين، بعدما قرار مقاضاته بعدما طرح أغنية «قلبي شايل وجع» علي يوتيوب .

وكتب حمو عبر حسابه الشخصي 'فيس بوك'، 'بخصوص اغنيه قلبي شايل وجع بتاعتي انا واللي اسمه محمد شاهين، انا مطلبتش ان الاغنية دي تترفع، الاغنيه دي اترفعت وانا نايم '.

وأضاف، 'لاني قبل ما انام كنت عامل لايف اني مأجل شغلي بالكامل تضامناً مع اخواتنا في بلدنا التانية فلسطين، وان الاغنية تم فتحها والشير بدون علم مني '.

وتابع، 'الشركة المسؤله عن السوشيال ميديا، هي اللي فتحتها ..ملحوظة الأغنية دي اصلا .. مش من ضمن شغلي ..تحياتي لكل اخواتي واهلي وجمهوري الكبير اللي بيحبني وبيسمعني في جميع محافظات مصر والوطن العربي '.

هجوم محمد شاهين على حمو بيكا

ومن جانبه عبر المطرب محمد شاهين عن غضبه الشديد، بعدما طرح مطرب المهرجانات حمو بيكا أغنيته الجديدة «قلبي شايل وجع» على اليوتيوب دون علمه .

وكتب محمد شاهين، عبر حسابه بموقع «فيس بوك»،«أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة، من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف».

وأضاف، «كلمت حمو بيكا قولتله إزاي؟.. قالي أنا هنزل في العيد 6 أغاني.. بكلمه في حقوق الأغنية أقل حاجة في حقي يرود يقولي (انا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم انا شغال عنده رديت قولتله الكلام ده مش هينفع وقفلت معاه».

وتابع: «بعديها بعت لي مصمم البوستر وقالي إن الأغنية مش هتنزل وفوجئت النهاردة بنزولها بدون علمي على أساس ايه انا هعرف أجيب حقي كويس بالقانون».

يشار إلى أن مهرجانات الشعبية حمو بيكا أعلن تأجيل ألبومه الجديد الذي يحتوي على أغاني العيد تضامنًا مع الشعب الفلسطيني الذي يتعرض لاعتداءات غاشمة من الاحتلال الإسرائيلي.

وفاة حماة بيكا ودفن جثمانها بمقابر سيدى بشر بالإسكندرية

محمد شاهين لـ«بيكا» : «اللي عملته غدر.. وهاخد حقي بالقانون»