خيري بشارة يكشف كواليس اختيار عمرو دياب في «آيس كريم في جليم» وسر الأغاني في أعماله

كشف المخرج خيري بشارة سر اختيار عمرو دياب وسيمون، لبطولة فيلم أيس كريم في جليم، متحدثًا عن أهمية توظيف الأغاني في أعماله الفنية.

قال خيري بشارة عبر تصريحات إذاعية: «فيلم كابوريا صعب يتكرر تاني.. وأنا مش بحب عرض الواقعية القاسية في السينما».

وتابع: «لكن مش بحجر على عرض الواقع بشكل قاسي.. والأغنية في الفيلم بتبقى أقوى من أي كلام، لأنها عبارة عن شحنة عاطفية قوية، عشان كده بفضل أطعم بيها أفلامي».

واستكمل خيري بشارة: «وفي أيس كريم في جليم استفتيت الناس اللي حواليا في اختيار البطل والبطلة، ورشحولي عمرو دياب وسيمون، وساعدوني أختار أنجح ناس للفيلم».

واختتم: «كان حماقة مني إني أكتب اسمي تحت جملة (التركيبة الغنائية والدرامية والإسلوبية والإخراج) في تتر الفيلم، عشان خوفت جهدي يتسرق، بعد ما بذلت جهد استثنائي».