داليا البحيري تكشف كواليس صيف 2025: حادث سير ووعكة صحية وانتقال مفاجئ

كشفت الفنانة داليا البحيري أزمات تعرضت لها في صيف 2025، من بينها حادث سير.

نشرت داليا البحيري صور من حادث سير، عبر حسابها الرسمي بموقع انستجرام، معلقة: «الحمدلله على كل شيء طبعًا.. لأننا لازم نحمد ربنا على كل حاجة وفي كل وقت.. اللي يعرفوني كويس هيعرفوا أني من محبي شهر الصيف جدًا.. بحب البحر والشمس والسمار ولمة العيلة وكل حاجة في الصيف جميلة حتي فاكهته».

أزمات داليا البحيري في صيف 2025

وتابعت: «بس الحقيقة السنة دي كانت من أسوء الصيفيات اللي عدت عليا في الساحل.. يتخللها بعض اللمحات الجميلة مع العيلة وبعض الأيام الطيبة.. بس للأسف كنت مضغوطة جدًا.. كنت بعزل من بيت لبيت ودي كانت حاجة مفاجأة مش مترتب لها عشان كده كنت مشدودة».

واستكملت داليا البحيري: «مناعتي وقعت وبقالي 3 أسابيع عيانة جدًا!.. جالي دور برد أو كورونا أو زي ما تحبوا تسموه.. ولما ابتديت أخف شوية حسن جوزي اتعدى وتعب جدًا! أكتر مني بكتير لدرجة إننا اضطرينا نروح مستشفى! وقعدنا 4 ساعات هناك في الديپ فريزير.. تكييف عالي جدًا جدًا لدرجة كنا موجوعين من البرد».

تصريحات داليا البحيري

وأضافت: «رجعنا من المستشفى وبعد أقل من ساعة كانت حرارتي طلعت تاني ورقدت ومن يومها وأنا مش بتحسن ويكتمل السيزون برجوعي سايقة من الساحل وأنا تعبانة لأني كان عندي ارتباط مهم في القاهرة والكاوتش بتاع عربيتي يتفرتك ويطلع دخان! بحمد ربنا إنه كان عند دخلة البوابات وماكنتش ماشية بسرعة ده ستر ربنا الجميل».

واختتمت داليا البحيري: «باختصار كان صيف مشحون جدًا بس برضو هفضل أحب الصيف وأفضله.. دعواتكم بقى أخف لأني استويت.. ملحوظة أنا مش بحب أعمل بوستات زي دي عشان أنا عمري ما كنت بتاعت صعبانيات.. وكمان كان لازم أشكر رجال المرور اللي كلهم شهامة وساعدوني وركبولي الاستبن.. أي نعم كانوا عايزين يمشوني بسرعة عشان فيه تشريفة سيادة الوزير معدية بس برضو جدعان».

 

View this post on Instagram

 

A post shared by Didi Mahmoud (@daliaelbeheri)