داليا مصطفى: طلاقي غيّر نظرتي للحياة ودرس بحمد ربنا عليه

كشفت الفنانة داليا مصطفى تفاصيل طلاقها من الفنان شريف سلامة، وإمكانية وجود صداقة بينهما.

قالت داليا مصطفى عبر تصريحات تلفزيونية: «ربنا قادر على كل حاجة وليه لا؟ هو راجل محترم.. بس هو كل واحد بيعدي بفترة كدة».

تصريحات داليا مصطفى

وأضافت: «أنا بحب الحب، مقدرش أعيش من غير حب.. الحب حاجة حلوة قوى، وأعلى طاقة في الوجود هى الحب.. لو محدش حب تلاقيه بيكبر وبيعجز».

وفيما يخص تأثير الطلاق عليها، قالت داليا مصطفى: «طلاقي غيّر نظرتي للحياة وغيرني وجعلني أفهم الكثير من الأشياء وأصبحت أتعامل مع الناس بشكل مختلف وأصبح لدي وعي واللي حصل درس بحمد ربنا عليه لأني مقتنعة إن كل صدمة البني آدم بيتعرض لها بيكون فيها هدف أسمى بكتير قدام».

أزمة داليا مصطفى بعد الطلاق

وأشارت إلى أن هذه الأزمة كشفت معادن الناس من حولها، معلقة: «اختفوا ولا حتى مكالمة يسألوا عني وإحنا عشرة عمر وسقطوا من حساباتي لكن وقف جنبي أحمد السقا، ومحمد هنيدي، ومصطفى شعبان».

واختتمت داليا مصطفى: «السنة دي أنا شُفت اللي ماشفتوش في حياتي.. زي ما يكون ربنا بينورلك حاجات في حياتك وأنا مقتنعة أنه كله خير».