رامز أمير يوضح سبب إبعاد زوجته عن الأضواء: مش عايز حد يشوفها ولا يتعامل معاها

كشف الفنان رامز أمير عن موقفه الرافض لظهور زوجته في أي مناسبة عامة أو على مواقع التواصل الاجتماعي، مؤكدًا أنه يفضل إبقاء حياته الزوجية بعيدة عن الجمهور تمامًا.

وقال رامز أمير في تصريحات إعلامية: "أنا رافض إن حد يتعامل مع مراتي أو يشوفها خالص.. ما تطلعيش على السوشيال ميديا، أنا بخرج معاكي في الشارع، اللي يشوفك يشوفك، لكن مش على الملأ.. ليه تطلعي للناس؟ هي مش عايزة كده وأنا كمان مش عايز كده".

وعن الصور التي نُشرت من حفل زفافه دون إظهار وجه زوجته، قال: "مخبيها، لأن دي ليها ضريبة مش مطلوب منك تستحمليها.. أنا بمعرفتي بالناس، محدش يستحملها، هي حاجة وحشة جدًا، وأنا ساعات بتضايق جدًا".

وأضاف: "في ناس بتدخل جوه النوايا، وأنا مش بحب أدخل الناس في حياتي، مش بس عشان دي شخصيتي، لكن لأني عارف قسوة الناس والجمهور.. الهجوم ده جزء من شغلي كممثل، إنما مراتي مش ذنبها إنها مرتبطة بحد معروف".

وأوضح رامز أن هذا القرار نابع من احترامه لخصوصيتها، ومن رغبته في حمايتها من التعليقات السلبية أو التدخل في حياتهما الخاصة.