زوج هالة صدقي يطلبها في «بيت الطاعة» وتعلق: «خبر سيئ لكل اللي تقدموا لي»

أعلنت الفنانة هالة صدقي، طلب زوجها لها في بيت الطاعة، حيث نشرت صورة من الطلب، عبر حسابها الشخصي بموقع تبادل الصور والفيديوهات «انستجرام».

وعلقت هالة صدقي على الخبر قائلة «خبر سئ لكل اللي تقدموا لي فالزوج طلبني في بيت الطاعة، مع انه الشهر اللي فات عمل فيديو وطلقني فيه».

وأضافت، «صحيح هو في أمريكا وأنا في مصر، فشكلها هتكون طاعة on line، استأذنكم علشان انزل اشتري الطشت والجلابية، بس حد عارف ممكن أجيب الولاد ولا لأ، مقولة غراب البين طلعت كذب، مفيش فراق ولا حاجة، بلاغ للعرسان لما أفض الاشتباك هنعمل طلبات جديدة المسخرة بعينها».

وقد أوضحت هالة صدقي في تصريحات تلفزيونية سابقة، «أنه لا يوجد في مصر طلاق بسبب أنها تنتمي للديانة المسيحية، قائلة «ياريت يكون طلقني ده طلاق أونطة، لو كان عاوز يطلقني كان عمل كده وهو فى أمريكا، بس هو فى مصر ومفيش طلاق للمسيحيين فى مصر بالطريقة دي».

هالة صدقي عن مساندتها لدنيا وإيمي في جنازة سمير غانم: «تايهين من غير أمهم»

هالة صدقي: «الحزن في القلب والعالم العربي كله حزين على سمير غانم»