زينة منصور عن التعليقات السلبية: «اتقوا الله أي لفظ بيطلع من الإنسان حسابه عظيم»

أكدت الفنانة زينة منصور أنها رغم تقديمها العديد من الأدوار المختلفة والمتنوعة خلال مشوارها الفني، فإنها لا تزال تشعر بأنها لم تقدم كل ما لديها.

وقالت خلال لقائها مع الإعلامية «نهال طايل» في برنامج «تفاصيل» المذاع على قناة «صدى البلد2»: «حاسة إني لسه معملتش حاجة، رغم إن أنا عملت أدوار كتير، مختلفة ومتنوعة مع الناس، لسه عندي حاجات كتير نفسي أعملها».

وأضافت: «نفسي أعمل دور جاسوسة من ملفات المخابرات، نفسي أعمل دور واحدة بياعة من الشارع، وبحاول دايما إن حياتي الشخصية ما تبقاش مشاع».

وانتقدت بعض التعليقات التي تتعرض لها عبر مواقع التواصل الاجتماعي، قائلة: «ماعرفش هما بيكسبوا من ده ، ولا دي لجان، ولا ده حد بيأجر حد، والموضوع ده بيزعلني، اتقوا الله،  علشان خاطر أي لفظ بيطلع من الإنسان حسابه عند الله عظيم».

وأردفت: «ليه الناس بقت كده؟ ليه مجتمعنا بقى كده؟ السوشيال ميديا مع جهل، زي ما انتقدوا كزبرة، وزي ما بينتقدوا الناس، لدرجة إن هما لو ما عرفوش يحوروا، هيحوروا على نفسهم ، أو يشتموا نفسهم ».

وأكدت تمسكها بتقديم أدوار مختلفة وعدم تكرار نفسها، قائلة: «أنا مش عايزة أعمل حاجة اتعملت قبل كده أصلًا، نفسي أقدم حاجات مختلفة، وأعمل شخصيات يكون فيها جديد بالنسبة لي وللناس».