سامح الصريطي: تقدمت لحنان مثل روميو وهذه شروط إتمام الزواج

كشف الفنان سامح الصريطي كواليس زواجه من المطربة المعتزلة حنان، قائلًا: «الحقيقة أنا حسيت في الفترة الأخيرة بدرجة قرب شديدة منها بنتعامل كأصدقاء وإخوات لكن في شئ تاني بدأ يتسحب ويتسلل كده».

وأضاف الفنان سامح الصريطي في تصريحات تلفزيونية له: «قلت لها مش فاضل غير إننا نتجوز، ولاقيت الفرصة المناسبة لأني أقول الجملة دي، وهدية حزمة البقدونس جبتها عشان أقولها إني فاكر إنك بتحبي البقدونس، ومش كده وبس كنت حاطه ورا ضهري وقدمته زي روميو».

زواج سامح الصريطي وحنان

وتابع: «ولما قلت هى ارتبكت فقلت لها مترديش خالص دلوقتي، وقعدنا عادي جدًا بعدها وبعدين سافرت ألمانيا وتعاملنا عادي كإن مفيش حاجة، ثم حسيت من خلال مفرداتها وكلامها إنها موافقة وكان فيه شروط أهمها أولادنا يوافقوا، فكإني طلبت إيديها من ابنها».

وفيما يخص موقف ابتهال وأية بنات سامح الصريطي من زواجه من المطربة حنان، قال: «بمجرد ما قلت لابتهال بنتي لاقيتها فرحت جدًا، وبنتي أية كلمتها في لندن وسعدت جدًا بالخبر.. واتفقنا نعيش في هدوء بعيدًا عن الأضواء لأننا كنا خايفين من السوشيال ميديا ومن ردود أفعالها».

حنان وسامح الصريطي

تصريحات سامح الصريطي

واستكمل: «وقررنا نعمل قعدة تجمعنا ونعلن للأهل فقط، ونقول لمن يقابلنا صدفة أو يزورنا.. وإعجابي بها بدأ من اللحظة الأولى، شوفت احترام وسيرة كويسة وفن وإبداع، وست ملفتة وجذابة ومنطلقة وفي نفس الوقت محترمة، وقلت على الأقل أكسبها كصديقة».

وأشار إلى أنه تزوج من المطربة حنان لأنها كانت الشريكة المثالية له، وأثرت فيه بشخصيتها الرائعة وصوتها الجميل، كما أن زواجهما كان نصيبًا من الله وقسمته.

واختتم الفنان سامح الصريطي حديثه، قائلًا: «كنت دائمًا في الحج والعمرات زمان أدعي ربنا وأقول اللهم ارزقني بمن يعينني على ذكرك وشكرك وحسن عبادتك، وحنان هي الإنسانة دي.. أنا عامل في البيت من زمان زاوية صلاة، وأول ما حنان دخلت البيت كانت عايزة تنام فيها وأحست براحة نفسية، وبدأنا نشجع بعض ونعين بعض ولما أتأخر عن وقت صلاة تنبهني.. لازم أعترف لها بإنها تقدم الكثير من الخير دون أن يعلم أحد، وبدأنا نشترك في هذا الخير مع بعض».

سامح الصريطي وحنان