سامح حسين: كنت بشتغل فى الفاعل أطلع رمل وطوب عشان أساعد أمي

قال الفنان سامح حسين، إن أصعب أيام حياته هي وفاة  والدته ثم وفاة شقيقه الأصغر غريقا فى الاسكندرية، وأنه يعتبر هو من ربى أشقاءه متابعا: أنا بعتبرهم أولادي، ووالدي ووالدتى كانوا منفصلين وأنا كافحت مع والدتي علشان نربي اخواتي، وعشنا فترة صعبة أنا وأمى وكانت بتقول لقرايبى انها مربية فراخ فى المنور وعاوزة بواقى الأكل ليهم وكانوا يدوها بواقي الأكل وكنت انا واخواتى الفراخ اللى بناكل البواقى.

سامح حسين: بحترم اللى بيشتغل ويصرف على أهله

وتابع سامح حسين: أنا بحترم جدا كل اللى بيشتغل ويصرف على أهله، وكنت بشتغل فى الفاعل أطلع رمل وطوب لحد ما ضهري وجعنى ومازلت أعاني منه الى الان علشان أساعد أمى وأنا لم أخجل من أى شئ بالعكس كان ربنا بيطبطب عليا دايما .

سامح حسين: مرات أبويا بعتبرها زي أمي

وأضاف سامح حسين، أنه كان زعلان من والده لأنه ترك والدته وإخوته فى هذه الظروف، متابعا:  خلاص كل حاجة راحت وحاول يعتذر قبل وفاته، لكن كان خلاص، وانا على علاقة جيدة جداً باخواتى من والدى وبوالدتهم وكانت هى ووالدتى اصحاب جداً وكنا ساكنين فى بيت واحد لدرجة ان زوجة والدى ما زلت لابسة أسود بعد وفاة والدتى من حبها لها وأنا بعتبرها زى أمى وهى دى الروح الجميلة اللى اتربينا عليها فى حى شبرا وبحب اخواتى جدا.

سامح حسين يعلن قرب عرض فيلمه ” اللعب مع العيال ” بعد غياب 3 سنوات

موعد عرض «سندوتش عيال» لـ سامح حسين

سامح حسين: «البنات بيدخنوا أكتر من الولاد وعندهم مبرر أن التدخين الإلكتروني مش مضر»