سبب انفصال البلوجر أم خالد عن زوجها.. فيديو يكشف التفاصيل

أعلنت البلوجر أم خالد انفصالها عن زوجها محمد، وأشارت إلى أنها تبحث عن مكان آخر تقيم فيه مع أولادها.

ظهرت أم خالد في فيديو نشرته عبر حسابها الرسمي بموقع انستجرام، وقالت: «الفترة الأخيرة فيه مشاكل بيني وبين محمد زي ما كلكم ملاحظين وأنا مش بتاعة تريندات، ومش محتاجة أعمل تريند عشان أجيب مشاهدات».

طلاق البلوجر أم خالد وزوجها

وتابعت: «أنا حلفت بحياة عيالي اللي بيني وبين محمد مش تريند وعمري ما كنت أتخيل إني أطلع في يوم من الأيام أقول الكلام ده بس النصيب غلاب، إحنا نصيبنا خلاص وقف لحد كده».

وأضافت البلوجر أم خالد: «له مني كل التقدير والاحترام، ماشُفتش منه غير كل حب وخير، ودلوقتي بدور على مكان تاني عشان أعيش فيه أنا وولادي خالد وريان وأنا عمري ما طلعت على النت اتكلمت في أسرار شخصية ومحدش يسألني إيه اللي حصل أنا مشوفتش منه غير كل حب واحترام ونصيبنا وقف لحد كده».

واختتمت: «مش طالبة منكم غير دعواتكم إن ربنا يقويني على تربية عيالي خالد وريان يارب أشوفهم أحسن الناس، أنا عايزة منكم طاقة إيجابية أنا إنسانة ضد الحزن والاكتئاب ومبعرفش أبقى كئيبة وبحب الانبساط وأنا مش بتاعت تريندات وراضية بأي حاجة وربنا يعوضني في ولادي».

 

View this post on Instagram

 

A post shared by doaa gaber (@omkhaled2326)

تصريحات أم خالد

وكتبت في منشور بعدها عبر خاصية الستوري التابعة لحسابها الرسمي بموقع انستجرام: «الناس اللي بتقولي الشقة من حقك طب لو الشقة مش بتاعته يبقى الحل إيه.. البيوت أسرار يا جماعة متاخدوش بالظاهر».

وأضافت أم خالد: «وأنا ربنا عالم بيا وبحالي ادعولي ربنا يقويني على تربية أولادي ويوفقني في اللي جاي وأنا راضية بأي حاجة ربنا كتبهالي الحمدلله كله خير من عند ربنا».

كما نشرت صورة تعلن من خلالها تعرض ابنها خالد لوعكة صحية، ونقله لإحدى المستشفيات أو العيادات، معلقة: «اللهم أنت الشافي».

أم خالد

البلوجر أم خالد