شاهيناز: ليا أغاني بالحجاب.. والجمهور يتقبل غناء المطربة المحجبة.. فيديو

قالت المطربة شاهيناز، إن الجمهور له فضل على أي فنان في مصر أول حول العالم، معلقة: بعد فترة إجازة طويلة رأيت حب الجمهور ليا فقولت ليه مرجعش تاني ومعملش شغل تاني وأنا بحب مهنتي.

وأضافت المطربة شاهيناز، خلال مداخلة هاتفية مع الإعلامية نهال طايل ببرنامج تفاصيل المذاع على قناة صدى البلد 2، أن الغناء في دمي، ودراستي كانت عن الموسيقى ووالدي موسيقى وزوجي كان موسيقي، معلقا: العنف في التربية أنا ضده تماما لأن ديما العنف بيولد عند.

وذكرت المطربة شاهيناز، أن الجيل الحالي مختلف بثقافة مختلفة، وكلماتهم مختلفة، معلقة: لازم نراعي ونواكب الشكل الجديد للحياة وأنا من زمان ضد التعنيف ضد الإنسان والحيوان.

وأوضحت: مش بمنع عن ابني الحاجة بشكل عنيف، ولادنا بياخدوا مننا لو اتعصبت عليه هيطلع عصبي، أنا ببعد عن أولادي الحاجة اللي عارفة إنها هتضره، لكن الباقي بتفاوض معاه واسمع وجهة نظره.

كما ذكرت المطربة شاهيناز: أنا لما كنت محجبة كنت بغني ولما وقفت غناء كان لمدة سنتين، وعندي إصدارات غنائية بالحجاب، وكان في أحيانا ناس تتقبل إني بغني بالحجاب وناس تانية تقول إزاي بتغني بالحجاب، والجمهور يتقبل الممثلة المحجبة أكثر من المطربة المحجبة، وفي أفكار مختلفة عند الناس، مش كل الناس بتشوف الموضوع بنفس المنظور وعلى ما أظن الجمهور أصبح بيتقبل ارتداء الحجاب والغناء به.

وتابعت: عمري مطلعت أرد على إشاعة، على مدار سنين شغلي في شائعات كتير بسيب الناس يعرفوا الحقيقة مع الوقت، أنا بعيش قصة الأغنية.

https://www.youtube.com/watch?v=4yflSjGQ6xQ