شيراز حسني تتهم موزع أغنيتها «أنا مش مامتك» بسرقتها لـ حودة بندق

اتهمت المطربة شيراز حسنى موزع أغنيتها «أنا مش مامتك» التي طرحتها  في عام 2018، بسرقة نفس التوزيع لأغنية «عيشها بمزاج» للمطرب حودة بندق.

وكتبت المطربة شيراز على صفحتها الرسمية بموقع فيس بوك: «رغم إني اتعرضت لمواقف كتير وحشة منهم نصب وسرقة وعقود احتكار عطلتني كتير وقعدتنى في البيت، لكن دايما كنت بحل أموري بهدوء ولاني مابحبش وجع الراس كنت كتير بعدي وأفوت».

سرقة الملحن مدين أغنية «أنا مش مامتك»

وتابعت المطربة شيراز حسني: «بس تقريبا في كتير افتكروا أني هبلة وبسكت عن حقي، فقالو يتمادوا، المهم مع احترامي للفنان جاد شويري والفنان حودة بندق، والملحن مدين اللي ملحنلي الغنوة واللي رشح الموزع للغنوة، إلا أن عيب علي موزع محترم اخد حقة المادي أنه ياخد توزيع عامله وواخد تمنه لمطربين تانيين لاء ولأنه عارف أنه عامل حاجة غلط عمل ليا بلوك».

شيراز تتهم الملحن مدين بسرقة أغنيتها

وتابعت المطربة شيراز: «تفاجأت بناس بتكلمنى وتبعتلي رسايل تقولي الغنوة بتاعتك التوزيع مسروق ومعمول لغنوة تانية، دخلت اشوف لاقيت أن الموزع اللي وزعلي الغنوة، هو اللي وزع ولحن الغنوة التانية، بجد برافو علي الإبداع، بس ياريت ماتتريقوش علي فنانيين المهرجانات وتتهموهم بالسرقة وتقللوا منهم وكأنهم شيء حقير وانتو أصلا بتعملو اللي بيعملوه برافو عليكم، اللي هو أنا أسرق عادى لكن اتسرق لاء اقلب الدنيا، وانا سيبلكم جزء من اللي اتاخد من الغنوة الحكم ليكم».

حذف مهرجان بنت الجيران

وكان الملحن مدين، طالب إدارة موقع يوتيوب، بحذف مهرجان «بنت الجيران»، للمطرب حسن شاكوش وعمر كمال بسبب سرقتهم للحن من أغنية «حاجة مستخبية»، التي قام بتلحينها للمطرب محمد حماقي.

للمرة الثانية.. حسن شاكوش يعتذر للملحن مدين بسبب لحن «حاجة مستخبية»

24 ساعة فن.. لعنة بنت الجيران تطارد صناعها.. والسقا ينتظر عرض السرب ويدخل عالم المنصات