شيري عادل : نفسي أعمل فرحي على البحر .. وطارق صبري مشكلته صوته عالي

ياسمين حمادة 08 مارس 2023 | 09:02 صباحاً

كشفت الفنانة شيري عادل تفاصيل قصة حبها هي والفنان طارق صبري، وكواليس علاقتهما وزواجهما، بجانب سر عدم إقامة حفل زفاف حتى الآن.

شيري عادل وطارق صبري

قالت شيري عادل عن سبب عدم إقامة حفل زفاف حتى الآن في تصريحات تلفزيونية لها: «كان نفسى أعمل فرحي على البحر، قلت نعمله في الصيف، لكن بالنسبة له الفرح مش أهم حاجة، قال لي نتجوز وبعد كدة نعمل الفرح».

وعن جهاز العروسة قالت شيري عادل: «كفاية 10 ملايات و10 فوط في البيت، ولسه مجبتش غسالة أطباق ولا بوتجاز، عشان قال لي لو جبت البوتجاز لازم تطبخي».

كواليس زواج شيري عادل وطارق صبري

وعن كواليس زواج شيري عادل وطارق صبري، أضافت: «بعد ما قربنا من بعض بدأ يبان إن فيه حاجة بينا، واتفقنا إننا نتجوز، كنا بنتعشى مع بعض وقال لي عايزة اتجوزك، وبعد ما اتفقنا كل ما أقول لحد يقولنا مستعجلين ليه كدة؟».

وأشارت إلى أن علاقة صداقة كانت تجمعهما منذ فترة، مضيفة: «ثم بدأنا نتكلم مع بعض بشكل يومي وبنسأل على بعض، واعتذرت عن مقابلته قبل كدة لأن القط بتاعي كان عيان وأنا قاعدة جنبه العيد كله بديله حقن وبحط له أكسجين لأن كان عنده 19 سنة».

قال الفنان طارق صبري في تصريحات تلفزيونية له إنه يشعر أن لديه 10 ملايين حماة وأنه كان يجب عليه أن يذهب لطلب يدها من جمهورهم المشترك».

طارق صبري يتحدث عن شيري عادل

وأضاف: «أصبحنا فجأة في حياة بعض، وأصبحت الحاجات العادية في اليوم من غيرها مش مظبوطة ولازم تبقى موجودة وضغطت عليها عشان توافق، وقالت لي أنا عايزة أعمل فرحي في الصيف، قولت لها نتجوز وبعد كدة نعمل الفرح».

وفيما يخص عيوب الطرفين، علقت شيري عادل قائلة: «معنديش مشكلة معاه باستثناء صوته عالي جدًا عشان هو بيحب المسرح، والناس بتفتكرنا بنتخانق لما بيتكلم».

واختتم طارق صبري حديثه: «في البداية محدش عرف عن علاقتنا غير القريبين، والأسرتين، والأحسن إن العلاقات تتبني في هدوء، وكل حاجة في الجواز عليا، ومفيش حاجة على ذوقي بروح أدفع بس».

شيري عادل وطارق صبري