طارق العريان عن أعماله الجديدة: رعب مع عمرو يوسف وأمير المصري بمسلسل فرنسي إنجليزي

تحدث المخرج طارق العريان عن تفاصيل أعماله الجديدة، وتعاونه مع الفنان عمرو يوسف والفنان أمير المصري، بجانب مسلسل فرنسي إنجليزي.

قال طارق العريان عبر تصريحات تلفزيونية: «فيلم التهويدة مع عمرو يوسف كنت مفروض أدخله قبل "ولاد رزق 4" ولكن لأن في صعوبة في كتابة السيناريو بنعيد ونزيد فيه».

وتابع: «أعتقد هبدأ فيه بعد "ولاد رزق4" هو فيلم رعب نفسي، أول مرة أعمل فيلم كده».

وأشار إلى أنه يعمل على تجربة جديدة بإخراج مسلسل فرنسي إنجليزي، معلقًا: «بحضر لمسلسل فرنسي إنجليزي القصة عجبتني وهي جريئة جدًا على العالم العربي وهي قصة حقيقة حصلت في 1920 ومش هينفع نعملها غير بلغتها، والبطلة فرنسية والأحداث بين إنجلترا ومصر، المرشح هو أمير المصري بس البطلة مش عارفين وحاليًا بنكتب السيناريو، هي حادثة حصلت في الفترة دي واحدة قتلت جوزها والمحكمة كانت في لندن».

واختتم طارق العريان: «المثير الشخصيات شخصية الفرنسي وشخصية جوزها اللي هيعمله أمير المصري هما شخصيات غريبة وسينمائية جدًا ومختلفة والعلاقة اللي بينهم غريبة جدا الناس هتبقى مهتمة تتفرج على حاجة حقيقية وغريبة في نفس الوقت، والشخصية شبه أمير المصري ومن حوالي 5 سنين كلمته وكانت متشجع وبعدها عمل نجاحات وده في مصلحتنا وهو لسه مهتم».