طرد العامل من المدرسة عشان مدمن.. أسرة مدير مدرسة المعادي تكشف تفاصيل جديدة حول مقتله

كشفت أمل، طليقة مدير إحدى مدارس المعادي، تفاصيل مؤلمة عن واقعة إنهاء حياة طليقها داخل المدرسة، موضحة أنها تلقت خبر مقتله بشكل مفاجئ أثناء استعدادها للخروج لشراء بعض الطلبات، قبل أن تتوجه إلى المدرسة وتكتشف ما حدث.

وروت خلال لقائها مع الإعلامية نهال طايل في برنامج 'تفاصيل' المذاع على قناة 'صدى البلد2' كواليس الساعات الأولى للواقعة، وتفاصيل علاقتها بالضحية، وكذلك ما تردد بشأن خلفية الخلاف بينه وبين العامل المتهم، مؤكدة أن ما حدث كان بمثابة صدمة كبيرة لها ولأبنائه وأسرته.

وقالت: 'كانت الساعة 11 الصبح، ناس في مكتبة اتصلوا عليا، بيقولوا إيه  حصل لأستاذ عاطف؟ قلت لها حصل له إيه؟ قالت لي  عاطف اتقتل في المدرسة واتذبح،  وشوية لقيت ناس بتتصل تقول حد يروح له يلحقه، جريت عليه عشان ألحقه دخلت المدرسة لقيت الدنيا مقلوبة، والشرطة والإسعاف'.

وأضافت: 'اتصلت بخالد ابني عرف الخبر وكان منهار قولتله معرفش بيقولوا خناقة، واتصلت ببنتي قولتلها تعالي من الشغل على المدرسة بابا تعبان، ولما قربت قولتلها أبوكي مات'.

وأوضحت: 'جت عاملة في المدرسة بتقولي إحنا سمعنا صوت عالي، زعيق، تقريبا بينادي على حد، ونادي يا جمعة، ده العامل في المدرسة، يا جمعة يا جمعة، وعمال يزعق،  عقبال ما جم عشان يدوروا في إيه اللي حصل، لقوه توفى'.

وتحدثت عن خلفية الخلاف: 'العامل طليقي مشاه من المدرسة من 3 سنين عشان كان بيتعاطى وقال له: دي مدرسة، ممنوع منعاً باتاً إن إحنا عندنا أطفال ودول في رقبتنا'.