عاوز اتجوزها.. خطيب البلوجر سارة محمد: أمها بتكرهني وبتجيبلها عرسان من الخليج.. فيديو

كشف مصطفى خطيب البلوجر سارة تفاصيل الحادث الذي تعرضا له، وحقيقة تخليه عنها وتركه لها بعد أن فقدت بصرها، وذلك في لقائه مع الإعلامية نهال طايل.

مصطفى خطيب البلوجر سارة

قال مصطفى خطيب البلوجر سارة ببرنامج تفاصيل المذاع على شاشة قناة صدى البلد 2: «أنا متضايق ومظلوم وسمعت إني مروحتلهاش وإني ندل».

وتابع خطيب البلوجر سارة: «من يوم الحادثة بحاول أتواصل معاها وأهلها رافضين لكن روحت المستشفى تالت يوم قولتلها هتجوزك مهما حصل وده اختبار من ربنا وهنعدي ده مع بعض».

تصريحات مصطفى خطيب البلوجر سارة

وتابع مصطفى خطيب البلوجر سارة: «في أول يومين بعد الحادثة مقدرتش أروحلها بسبب تحريات الشرطة والنيابة، ووالدتها بتقولها مصطفى ندل مش هيجيلك ومش هيتجوز».

واستكمل: «في البداية والدتها كانت رفضاني واستغلت الوقت ده عشان تكرهها فيا لأني شاب في بداية حياتي ومعتمد على نفسي لكن هي عايزالها شخص ماديًا كويس وكانت بتجيبلها عرسان من الكويت والخليج».

قصة البلوجر سارة وخطيبها

وأشار إلى أن البلوجر سارة لم تعاتبه بعد أن زارها في المستشفى، قائلًا: «أنا وسارة بنحب بعض من أول ما عرفنا بعض من شهر 3 الماضي وهي جارتي ساكنة قدامي واتعرفنا على بعض ومن ساعة ما اتعرفنا وإحنا يوميًا مع بعض، هي أكتر حاجة بحبها فيها إنها صريحة جدًا مع أهلها ومع الكل، وبتتكلم في الصح دايمًا».

وروى تفاصيل الحادث قائلًا: «كنا خارجين وإحنا راجعين على الصحراوي بعد كوبري أبو الخير، داخت ووقفنا على جنب بتشرب ماية ولقيتها بتبص على شمالي وتقولي خلي بالك وبتصوت ولقيت واحد ببندقية وراح ضارب بعدها اتحركت على أقرب بنزينة، واستنجدت بالناس وكلمت صحابي وأهلي وروحنا على مستشفى العامرية».

البلوجر سارة في المستشفى

وأضاف: «ركبت معاها سيارة الإسعاف وقولتها مش هسيبك وأنا جنبك، والناس اللي اتعرضولنا كانوا عايزين يسرقوا العربية وفيه محاضر ضدهم كتير وتخصصهم سرقة عربيات، ولما شوفتها صعبت عليا لأن هي نفسي وملحقتش أفاديها وأهلها شاكين إن الناس اللي ضربونا في عداء بيني وبينهم وإني السبب في اللي حصلها».

وأشار مصطفى خطيب البلوجر سارة إلى أنه لا يريد أن يتسبب في مشاكل مع أسرتها، بسبب كلمات والديها له، ورفضهم التواصل معها أو مقابلتها.

خطيب البلوجر سارة محمد يكشف حقيقة تخليه عنها في «تفاصيل»

لـ25 مارس.. تأجيل محاكمة البلوجر لوشا في قضية الخطف

بعد حادث الإسكندرية الأليم.. من هي البلوجر سارة محمد ؟

خطيبها تركها .. خالة البلوجر سارة محمد تكشف تفاصيل جديدة حول حالتها الصحية| فيديو

مأساة البلوجر سارة محمد.. فقدت بصرها بسبب حادث أليم وخطيبها تخلى عنها