عزة بهاء: اكتشفت إن جوزي متجوز عليا في جنازته وأنا مش شبه الوسط الفني

فجرت الفنانة عزة بهاء مفاجأة صادمة عن حياتها الشخصية، موضحة أنها علمت بزواج زوجها عليها، أثناء تشييع جثمانه، معلقة: «أنا اتجوزت 3 مرات لأن ماليش حظ في الرحٖالة».

تصريحات عزة بهاء

قالت عزة بهاء في تصريحات تلفزيونية لها: «للأسف بختار غلط.. أنا مرة كنت متجوزة و هو كان مسافر وعمل حادثة وأنا طبعًا قاعده مستنياه يرجع فإتأخر فلقيت مامته بتكلمني تقولي أنه إتوفى».

واستكملت: «نزلت لقيته اتوفى فعلًا وقاعد في عربية الإسعاف ومعاه واحدة فقعدت أخبط على العربيه عايزة أعرف مين دي ومصدومة طبعًا ومش مستوعبة لسه».

عزة بهاء

جنازة زوج عزة بهاء

وقالت أيضًا: «في الجنازه بتاعته بعد ما اتدفن وصلينا عليه لقيت واحد صاحبه بيواسيني فقولتله إلا قولي هي مين اللي كانت مسافرة معاه دي صحيح صاحبته؟، صاحبه رد عليا قالي لا يا عزه متظليمهوش ده طول عمره على خُلق».

وتابعت الفنانة عزة بهاء قائلة: «و دي مكنتش صاحبته طبعًا دي كانت مراته، وأنا كنت زوجة تانية وهو اتجوز عليا التالتة من غير ما أعرف».

غياب عزة بهاء

وفيما يخص غياب الفنانة عزة بهاء عن الساحة الفنية، علقت قائلة: «أنا ممثلة مش موديل؟ هل عمركم شفتوا عبلة كامل في مهرجان فني؟ كانوا زمان بيدعوني للمهرجانات الفنية ولكن غالبًا دلوقتي اتنسيت من كتر ما برفض لأني مبعملش شغل ف هروح ليه؟».

وأضافت: «والتصوير على الريد كاربت مطلوب وبيفكر الناس بالنجوم، وممكن أجهز وأخلص لبس وأجي على أخر دقايق أقول لا مش نازله ماليش مزاج، ولكن أنا فاشلة في العلاقات العامة ومش بلاقي نفسي وسط الوسط الفني، ومش شبه الوسط الفني اللي موجود آخر 10 سنين».

واختتمت الفنانة عزة بهاء قائلة: «لما اتخرجت كنت بشتغل مع الأستاذ عادل إمام وسمير صبري وأول عمل ليا كان مع الأستاذة سناء جميل، وفضلت أشتغل وأقل أقل لحد ما بقى بيتعرض عليا شغل ميستحقش أنزل من بيتي عشانه».

عزة بهاء