عصام صاصا: كنت بسوق توك توك وأول أغنية جابت 100 مليون مشاهد وأنا معرفش

كشف مطرب المهرجانات عصام صاصا كواليس انطلاقته في عالم الغناء، وتحدث عن مشواره قبل الشهرة، مؤكدًا أن حبه للموسيقى بدأ مبكرًا منذ أيام المدرسة، رغم عمله في مهن متعددة.

وقال عصام صاصا في تصريحات إعلامية: "صوتي حلو وراثة من أمي، وكنت بقرأ قرآن ولسه بقرأ لحد دلوقتي، بس الدنيا بتلهي، وأنا في الإعدادي بدأت أجرب الغنا مع زمايلي، كنا بنسجل لنفسنا. أول أغنية مش فاكر اسمها، بس كانت بداية".

وأضاف: "اشتغلت كهربائي وسواق توك توك، ودي أكتر شغلانة استمريت فيها، ومكنتش متخيل إن أغنية ممكن توصل لـ100 مليون مشاهدة، أول أغنية عملت الرقم ده كانت قالك تعيشها تشوف، ووشي مكانش ظاهر على البوستر، محدش كان يعرفني".

يُذكر أن عصام صاصا طرح مؤخرًا كليب "أنا البطل" بمشاركة عنبة، من كلمات محمود سوستا، توزيع كيمو الديب، وإخراج أشرف رمضان.

كما شارك صوته في موسم رمضان الماضي من خلال أغنية "إحنا ولاد الشمس" ضمن أحداث مسلسل "ولاد الشمس"، بطولة أحمد مالك، طه دسوقي، محمود حميدة، وعدد من النجوم.