عصام صاصا يشارك في مسلسلات رمضان 2025 بأغنية إحنا ولاد الشمس

طرح مؤدي المهرجانات عصام صاصا فيديو كليب أغنية إحنا ولاد الشمس، وهي الأغنية الدعائية لمسلسل ولاد الشمس، المقرر عرضه ضمن موسم مسلسلات رمضان 2025.

يقدم عصام صاصا أغنية إحنا ولاد الشمس من مسلسل ولاد الشمس، من كلمات محمود سوستا، والتوزيع الموسيقي لـ كيمو الديب.

عصام صاصا أغنية إحنا ولاد الشمس

ويرصد موقع قناة صدى البلد، كلمات أغنية مسلسل ولاد الشمس، الذي يُعرض ضمن مسلسلات رمضان 2025، من بطولة طه دسوقي ومحمود حميدة وأحمد مالك.

كلمات أغنية مسلسل ولاد الشمس

«الدنيا معانا مش على ما يرام

بس إحنا ممشناش في الحرام

السيرة الحلوة والإحترام

هي اللي دايما بعد الرحيل

قد الدنيا بعون الله

مهما نعيش ونشوف معاناة

هاتي يا دنيا إيه تاني شيلاه

لسه بصحتنا نفسنا طويل

إحنا ولاد الشمس

واللي ييجي علينا ميسلمش

إحنا بنخوف ومبنخافش

سدادين ونسد عين الشمس

أسامينا بتشرف

دخلتنا لوحدها دي بتخطف

جرب حظك ياض لو تعرف

وإحنا هنديك في الأكشن درس

إحنا أخوات ونموت على بعض

ويا ويلو اللي معانا يتحط

وزي مانت شايف بالظبط

محدش يقدر يتحدانا

إحنا نفدي بعضنا بروحنا

شرفنا أي مكان في روحنا

إحنا الفلوس مكانتش طموحنا

ولاد أصول وعنينا مليانة

أكلة واحدة ونومة واحدة

إيدنا واحدة قلوبنا قلوب جامدة

إحنا مش بنكن ولا بنهدا

إلا لما نجيب حقنا

قوتنا في العزوة

حتى لو دنيتنا دي مش حلوة

جمب بعض في خير ولا في بلوه

المهم نكون مع بعضنا

أي نعم إحنا مش رجال أعمال

بس عمايلنا أعمال رجال

وفي ضهر بعض على أي حال

كل اللي شاف عزوتنا دا خاف

ربك ساترها عشان سالكين

عشان إحنا من جوانا صافيين

بنشوف ندالة من البني آدمين

بس إحنا زي ماحنا نضاف

الشدة بتشد

بس برضو إحنا أسود بنسد

دحنا لو خدنا الموضوع عند

مش هتخلص ويانا بالساهل

صابرين على الصبر

طيبين في زمان مليان شر

جوة غابة ومفيش فيها مفر

بس لو هنخاف إحنا هنتاكل

لا نعيشها ونعيش فيها عيشة فل

لاما هنموت إحنا الكل

ف الدنيا شوفنا الويل والذل

بس إحنا زي ماحنا ثابتين

على وضعنا ومتغيرناش

لو كله خاب إحنا مخيبناش

في ضهر بعض ومجلناش

زي ما ترسا والله المعين

أخوات وعلى العهد

جمب بعض ميشغلناش حد

أي حد قصادنا على القد

سدادين ولا حد معانا سد

الهيبه بتهيبنا

بختك أسود ياللي هتلاعبنا

لينا بصمة وهيبة مهما غيبنا

لو زعلنا نهدها يابا هد».