عفاف مصطفى في رسالة صادمة لـ نجل عادل إمام: الناس بتزوره إشمعنا.. هو أنا خطر على بابا؟

أعلنت الفنانة عفاف مصطفى استيائها من المخرج رامي إمام بسبب رغبتها في رؤية الزعيم عادل إمام، وطلبها له أكثر من مرة أن تلتقي بوالده الزعيم.

كتبت عفاف مصطفى عبر حسابها الرسمي بموقع فيس بوك: «زعلانه من رامي إمام.. بعتاله الرساله الأخيره دي عالوتساب ضمن العشرات قبل كده.. الرساله الـ 15 ليك أستاذ رامي اتمني يقراها أستاذي عادل».

عفاف مصطفى وعادل إمام

وتابعت: «نفسي ورجائي أشوف الأستاذ عادل وجه لوجه لأني عارفه إني الوحيده اللي بضحكه لما بقعد جنبه زي مقاللي قبل كده، وكنت دايمًا أكلمه تليفونيًا ويضحك ويبقي سعيد لمجرد يسمع صوتي.. دلوقتي حضرتك يا أستاذ رامي الوحيد اللي تقدر تحسم طلبي المتكرر».

وقالت عفاف مصطفى في رسالتها لرامي إمام: «سؤال أستاذ رامي هو أنا خطر على بابا ولا حاجة؟؟.. أنا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنه مع رجائي..  الرجاء المتكرر ممكن تسمحلي وأنت من بيت كريم بزيارته وتبلغه قبلها ولو عندكم تحفظات او ظروفه لا تسمح أنا مش هزعل  بس للعلم دائمًا أسمع بزملاء بيقولوا زورنا عادل إمام في البيت».

عفاف مصطفى وعادل إمام

رسالة عفاف مصطفى لـ رامي إمام

وأضافت: «لعلمك عندي العنوان من زمان وأستطيع أعمل هجوم مشروع عليه لكن أنا أكبر من كده ولا أضمن رد فعلكم في في زياره بدون موعد مسبق ومنعا للحرج، الناس بتزوره إشمعني أنا يعني؟».

واختتمت الفنانة عفاف مصطفى رسالتها للمخرج رامي إمام، قائلة: «والله نفسي أشوفه وأكلمه وأطمن عليه وجه لوجه وأشوف السعادة في وشه زي ما طول عمره تفرغ لإسعاد الناس.. عفاف مصطفي».

عفاف مصطفى

عفاف مصطفى

عادل إمام

عادل إمام