عماد إسماعيل يكشف كواليس مشاركته في مسلسل «فات المعاد»

كشف الفنان عماد إسماعيل كواليس مشاركته في مسلسل 'فات المعاد'، مؤكدًا أن الدور الذي قدمه كان تحديًا جديدًا له كممثل، مشيرًا إلى أن شخصية 'طارق' التي يجسدها ضمن الأحداث تختلف تمامًا عن الأدوار التي قدمها سابقًا سواء في الدراما أو على خشبة المسرح.

وأوضح عماد إسماعيل في لقاء خاص مع الإعلامي شريف نور الدين والإعلامية آية شعيب في برنامج 'أنا وهو وهي'، المذاع عى قناة صدى البلد، قائلاً: 'جاتلي مكالمة وأنا من عادتي ما بردش على أرقام غريبة، فقررت إن أنا أرد على الرقم ده، والحمد لله كان المنتج محمد عبد الحفيظ، وقالي إن في دور في مسلسل إخراج سعد هنداوي، طبعًا أنا عارفه كويس جدًا بس ما اشتغلتش معاه قبل كده، فقلت له تمام، وقالي هو دور مش كبير أوي، وبعتلي الورق، عجبني جدًا طارق'.

وأوضح عماد إسماعيل أنه رأى في الدور فرصة لتقديم شخصية جديدة لم يقدمها من قبل، قائلاً: 'عجبني إن دي حاجة بالنسبة لي ممكن ما أكونش عملت دور زي ده، وده بيبقى تحدي للممثل، يعني في ممثلين كتير ممكن حد يخاف إن هو يطلع يتكره، وأنا أكيد سعيد بده وده بيبقى تحدي للممثل، إن أنت بتعمل حاجة ما عملتهاش قبل كده وغير متوقعة، والناس القريبة مني كلهم بيقولوا إيه ده؟ أنت عملت ده إزاي؟ وقرايبي وأي حد يقابلني يقولي ده أنت مش أنت خالص'.

وتحدث عماد إسماعيل حول رؤيته للشخصية التي يقدمها في 'فات المعاد'، قائلاً: 'طارق شايف إن هو في العائلة له حق في كل حاجة، الراجل ده موجود في المطبعة معاهم، وليه لأ، أنا ليا الحق أنا كمان، أنا متجوز بنتكم وأنا بدير المطبعة، أنا حطيت تاريخ للشخصية دي'.