عمرو محمود ياسين عن تريند «انتش وأجري»: الحياة من غير هزار سواد

علق الفنان والمؤلف عمرو محمود ياسين  على ترند «انتش وأجري» المنتشر حاليا عبر مواقع التواصل الاجتماعي، حيث لاقى الفيديوهات انتشار كبيرا على مختلف منصات التواصل الاجتماعي خلال اليومين الماضيين.

تعليق عمرو محمود ياسين على ترند انتش وأجري

ونشر المؤلف عمرو محمود ياسين عبر حسابه الرسمي على موقع «فيس بوك» قائلًا: أيه المشكلة لما حد يطلع زي بتاع أنتش وأجري ويعمل حاجة وتاخد يومين وباي باي، أيه المشكلة في كدا، طالما أنها ضحك وعلقت مع الناس يومين.

وتابع: ايه لازمة الحكاية ونعملها ايدين ورجلين ونقعد نقول يا خسارة الفن و عملنا للي مش عارف ايه سعر  و كل الكلام ده؟  ياما تريندات طلعت و الناس اتكلمت عليها شوية وهزرت راحت لحال سبيلها عادي.

الفن الحقيقي باقي عكس التريندات

وأكد عمرو ياسين، أن مثل هذه الحجات اللي زي دي ليها مدى نجاح «قصير المدى»   وبندخل في غيره  اما الفن الحقيقي المتعوب عليه بيعيش بدليل اننا بنسمع ام كلثوم و حليم وفيروز وغيرهم لحد دلوقتي.

وواصل: ساعات بحس  أن في ناس بتضايق إذا حد هزر  أو ضحك شويه، الحياة من غير هزار وضحك تبقى سواد، أكتر ماهي صعبة.

عمرو محمود ياسين: محمد رمضان بطل فيلم «مرزوق وايتو»..ولن يضم مشاهد أكشن