عمرو مصطفى: كان نفسي أغني بشرة خير.. وندمت على هذه الألحان

ما زال اسم الفنان عمرو مصطفى يتصدر مؤشرات البحث بسبب تصريحاته، والتي كانت آخرها وهو يتحدث عن ظلمه لنفسه في تصريحات تلفزيونية، وهو ما يرصده موقع قناة صدى البلد فيما يلي.

تصريحات عمرو مصطفى

• ظلمت نفسي إني مغنتش من زمان
• مفيش أغنية نزلتها محققتش نجاح
• الناس مبقتش تسمع 3 دقايق من الأغاني وبيصعب عليا لما حد يبقى بيسمع أغنية ويقفلها في نصها
• ندمان على كل الألحان اللي قدمتها لأني كنت عايز أغنيها لنفسي
• كان نفسي أغني أغنية بشرة خير وأنا مش هدي أغاني لحد تاني حتى لو دفعولي مال الدنيا
• كنت زمان بتعاطف مع زمايلي لكن قررت مش هتعاطف مع حد تاني
• قدم أغاني لعمرو مصطفى وللبنات بس
• عايز أسيب لأولادي ولأحفادي تاريخ موسيقي راقي

تصريحات عمرو مصطفى

وعلى جانب أخر تحدث الفنان عمرو مصطفى في تصريحات تلفزيونية ماضية، عن أبناءه وعن الأغاني التي قدمها مؤخرًا، كما تحدث عن خسارته لبعض الأشخاص في حياته، وفيما يلي أبرز تصريحاته.

• • بحلم إن ولادي يتخرجوا من الجامعة، والحمدلله الأغاني بتاعتي وصلالهم ويحبوها ، وبتقدم رسايل وتعالج البشر

• • أنا الملحن الوحيد اللي لازم المطربين يتحايلوا عليا عشان اشتغلهم، ويتحايلوا عليا جدًا ويقعد أربع أو خمس شهور عشان ياخدوا من الأغنية

• • أنا مش زعلان إني ممكن ألحن لحد أو لا، مفيش حد خالص مهم، المهم هو حب الجمهور

• • بعض الجمهور بيقولي انت خسرت شخص، الحقيقة إن أنا اللي بتنازل عن الناس مش الناس اللي بتتنازل عني

• • أنا اللي ديمًا بعمل بلوك للناس مش الناس هما اللي بيعلموا بلوك

أزمة عمرو مصطفى ورامي صبري

وكان عمرو مصطفى وجه رسالة إلى رامي صبري عبر حسابه على موقع التواصل الاجتماعي «فيس بوك» مؤخرًا: «رامي صبري أول واحد باركلي هنا علي الصفحة  على الألبوم الجديد يمكن هو الفنان الوحيد».

وتابع «بحبه جدا كفنان وإنسان، وبحب جدا أستفزه، لأنه صديق جدع وعامل ألبوم جامد كمان بس هو تأثر بأغنية  رقصة، وعادي حبيت بس أقولها بهزار»، مضفيا « عيب الصحافة تكتب سرق، في الأول والاخر ده زميل وصديق وعشرة عمر وعادي تتوارد الأفكار بتحصل بس دي آخر مره يا رامي حبيبي والله».

ورد رامي صبري على منشور عمرو مصطفى قائلا «خزر براحتك يا عمرو، بس أغنية يمكن خير دي أنا ملحنها من 2009، وأنت عارف إن رامي صبري مستحيل ياخد  لحن مش لحنه وينسبه لنفسه، وتاريخي وجمهوري المحترم يعرف الكلام ده، فما بالك أنت بقى»، مضيفا «حصل خير وبعد كده متهزرش معايا، عشان أنا مش بحب النوع ده من الهزار يا لذيذ».

عمرو مصطفى : «عمري ما حسيت بالفشل وفنانين في ورطة بسببي..ومستعد أساعد أي ملحنة شابة عايزة تبدأ»

تصريحات عمرو مصطفى: «أعمالي بتعالج البشر.. وأنا اللي بعمل بلوك للناس»