عمرو مصطفى : الصناعة تنحدر وأغنية افتكرلك إيه هتنزل بصوت أم كلثوم

ياسمين حمادة 06 يونية 2023 | 09:45 مساءً

هاجم الفنان عمرو مصطفى فساد أغاني المهرجانات، وأكد على أن الذكاء الاصطناعي ما سيقضي على هذه الظاهرة، قائلًا: «أنا شايف إن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة».

تصريحات عمرو مصطفى

قال عمرو مصطفى في تصريحات تلفزيونية له: «الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية ومش غرور بس أنا اسمي وشغلي والـ 25 سنة اللي اشتغلتهم يسمحولي إني أجرب وأشوف».

واستكمل: «الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية، وأغنية افتكرلك إيه هتنزل كاملة بصوت أم كلثوم بعد ما اتصالحت مع الورثة».

عمرو مصطفى

عمرو مصطفى وأغاني المهرجانات

وقال الفنان عمرو مصطفى أيضًا: «دلوقتي اللي مسئول عن الفن المنتجين، ولكن زمان اللي كان مسئول عن الفن الفنان زي عبد الحليم حافظ ومحمد عبد الوهاب الله يرحمهم».

واختتم: «دلوقتي لما الفن راح للتجار اتدمر، ولازم الفن يرجع تاني للفنانين وأنا اللي هرجعه وأنا منتقدتش مطربين المهرجانات هما اللي أخدوا ألحاني، وإحنا ضد الفساد اللي بيقدموه داخل المهرجانات مش ضد المهرجانات».

عمرو مصطفى