عمرو وهبة يكشف كواليس مسلسل صوت وصورة مع صدقي صخر: توهنا

تحدث الفنان عمرو وهبة عن مشاركته في مسلسل صوت وصورة، وتعاونه مع الفنان صدقي صخر، قائلًا: «كنت عارف صدقي من الشغلانة لكن لم نكن أصحاب».

وتابع الفنان عمرو وهبة في تصريحات تلفزيونية له: «طبعا اتفرجت عليه في ريفو وفي الأعمال التانية وهو شاطر جدًا.. أنا في العادي مبحسش إيه هينجح وإيه لا ومبحبش أفكر في ده حتى لو فيدباك فريق العمل بيقول أن العمل هينجح».

عمرو وهبة مسلسل صوت وصورة

واستكمل: «لأن معادلة الناس مختلفة ومفيش ضمان للنجاح بس كنت بقول لصحابي أن الناس هيعجبها الدويتو بين لطفي ووافي.. وصدقي هيبقى أحسن ممثل في الأوف سيزون السنة دي هو شاطر جدًا ومجتهد وبييجي حافظ ومركز في الشخصية وعنده كاريزما».

وتابع الفنان عمرو وهبة حديثه عن الفنان صدقي صخر: «الدور هيكون نقلة لصدقي والمسلسل لما بينجح كلنا بننجح وإحنا مش متنافسين لأننا اتجاهات مختلفة وصدقي شاطر ومشهد المرافعة هو جيه حافظ 4 صفحات ومعدناش».

مسلسل صوت وصورة

كواليس مسلسل صوت وصورة

وكشف كواليس من مسلسل صوت وصورة، قائلًا: «مرة كنا بالعربية أنا وصدقي والكاميرا على العربية ولوحدنا وفي صلاح سالم ومحدش معانا في العربية.. توهنا من العربية اللي بتابعنا وأنا كنت سايق ومش شايف وعمالين نسأل الناس والناس بتصورنا ومش عارفين نرجع لمكان التصوير فكانوا 5 دقايق ضحك».

مواعيد عرض مسلسل صوت وصورة