«عينك على الرقاصة».. أحمد فلوكس يهاجم محمد رمضان بسبب تصريحاته عن والده

شن الفنان أحمد فلوكس هجومًا قاسيًا على زميله في الوسط الفني محمد رمضان بسبب سخرية الأخير من والده فاروق فلوكس لقيامه بدور «صبي رقاصة» في أحد الأفلام السينمائية.

محمد رمضان يشن هجومًا على فاروق فلوكس

وقال محمد رمضان، إن هناك فنانا كبيرًا قام بتمثيل أدوار أرفض أن أقوم بها، كما أن الفنان قام بتمثيل دور «صبي رقاصة»، مؤكدًا أنه لا يقدر على القيام بهذه الدور حتى لو هشحت، في إشارة إلى الفنان فاروق فلوكس.

أحمد فلوكس يرد على محمد رمضان

وجاء الرد سريعًا من أحمد فلوكس ابن الفنان «فاروق فلوكس» على حسابه الرسمي على موقع التواصل الاجتماعي «فيس بوك»، قائلًا: «شوف يا حماده، أنت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وأنت ما شاء الله ناجح في ده جداً وبتعمله سهل وأنت عريان ما دريان».

وتابع: نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان».

أحمد فلوكس: والده عمل دور صبي رقاصة لأنه بيعشق التمثيل

وأكد أحمد فلوس، أن والده عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان.

واختتم فلوس حديثه قائلًا: « وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار».

ناهد فريد شوقي تهاجم محمد رمضان: أفلامك أفسدت الأخلاق والذوق