فارس يثير الجدل بعد وفاة محمد رحيم: كان نفسي نتصالح قبل ما تسيبنا

وجه الفنان فارس رسالة مؤثرة للراحل محمد رحيم، الذي رحل عن عالمنا يوم السبت 23 نوفمبر الجاري.

كتب فارس في رسالته للملحن الراحل محمد رحيم، في منشور عبر حسابه الشخصي بموقع فيس بوك: «ياه يا رحيم كان نفسي نتصالح أنا وأنت قبل ما تمشي وتسيبنا».

رسالة فارس لـ محمد رحيم

وتابع: «لكن للأسف بعدي سنين كتير عن الوسط الفني منع اللقاء والتواصل، وأنا أكتر واحد عارف إنك اتحاربت كتير وفي حاجات أنا عارفها وكنا بنضحك عليها أنا وأنت في بداياتك».

واستكمل فارس حديثه عن محمد رحيم: «بس للأسف مينفعش أقولها دلوقتي لأنها هتفضح شخص معين.. عمري ما هنسى حبك ليا وإيمانك بيا وكنت بتخسر نجوم عشان ترضيني في لحن أغنية كانت مطلوبة من نجوم كبار».

وفاة الملحن محمد رحيم

واختتم: «عملنا أغاني كتير سوا في فترة كانت من أجمل وأزهى الفترات في جيلي حاجات كتير نفسي أقولها بس مش وقته.. وفي النهاية بقولك صحيح ما اتقابلناش قبل ما تمشي لكن عسى الله أن يجمعنا في دار الحق برحمته وغفرانه».

فارس