فتوح أحمد: مراتي ولدت بعد 20 سنة وأخويا مات في نفس اليوم

قال الفنان فتوح أحمد إنه لما عرف إن مراته حامل، بعد 20 سنة جواز حس إن ده قدر من ربنا، وإن الحياة والأقدار مفيش حد يقدر يتحكم فيها أو يحاول يتلاعب بيها.

وأوضح الفنان فتوح أحمد في مداخلة مع الإعلامية نهال طايل في برنامج "تفاصيل" على قناة صدى البلد 2، إن خبر الحمل جه في وقت حساس جدًا، خصوصًا بعد وفاة أخوه فتحي في نفس يوم ولادة زوجته، وقال: "سبحان الله ربنا جاب فرحة كبيرة عشان يوازن موت، أخويا الله يرحمه".

وأضاف إن كل ده بيد ربنا ومفيش للإنسان فيه أي دخل، وإنه فرح جدًا لأن كان عايز يشغل مراته بحاجة حلوة، خصوصًا إنه مشغول بالتصوير والتمثيل والمسرح.

وكمان أكد فتوح أحمد إن رغبته في الإنجاب كانت عشان مراته، عشان يكون عندها حاجة تشغلها وتفرحها بعيد عن انشغاله بالشغل، وقال إن خبر الحمل جه كده يوازن الحزن على فقدان أعزاء ويجيب فرحة جديدة للعيلة.