فيلم أولاد حريم كريم يتسبب في حرب كلامية بين مصطفى قمر وطارق الشناوي.. القصة الكاملة

فيلم أولاد حريم كريم الذي عاد بقصة جديدة بعد 18 عامًا من نجاح الجزء الأول، تسبب في اشعال الحرب بين الفنان مصطفى قمر والناقد طارق الشناوي.

أزمة فيلم أولاد حريم كريم

يبدو أن فيلم أولاد حريم كريم لم ينل إعجاب الناقد الفني الذي هاجم العمل بشكل كبير، ليستفز الفنان مصطفى قمر ليقوم بالرد عليه بوابل من الكلمات القاسية.

فيما يلي يرصد موقع قناة صدى البلد، القصة الكاملة حول الحرب بين الناقد طارق الشناوي وأبطال فيلم أولاد حريم كريم.

فيلم أولاد حريم كريم

طارق الشناوي يهاجم فيلم أولاد حريم كريم

انتقد الناقد الفني طارق الشناوي فيلم أولاد حريم كريم للفنان مصطفى قمر، معلقًا: «أسوأ الأعمال الفنية بالنسبة لي في الموسم الحالي».

قال الناقد طارق الشناوي في تصريحات تلفزيونية له، إن فيلم أولاد حريم كريم، من أسوأ الأفلام والأعمال الفنية، مضيفًا: «علي إدريس مخرج طبعًا مهم.. وزينب عزيز كاتبة مهمة إنما اللي عملوه مش بس مالوش علاقة بالجزء الأول».

وتابع: «ده مالوش علاقة بفن السينما اللي إحنا بنعيشه دلوقتي.. ده تراجع لزمن ما قبل الجزء الأول.. والكتابة كمان اللي كتباها زينب عزيز قديمة قوي».

وأضاف الناقد الفني طارق الشناوي: «التفاصيل دي مبقتش تجيب ولا تضحك، فالفيلم افتقد الضحك.. ومصطفى قمر في عز فشله كمطرب قرر يعمل فيلم، ومع الحريم اللي هما مش مطلوبين قوي في السينما».

مصطفى قمر فيلم أولاد حريم كريم

واستكمل: «الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا، عشان مش هتقبل تكون موجودة نصف بطلة أو خُمس بطلة.. مشكلة مصطفى قمر إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب».

واختتم: «لما بتفشل كمطرب السينما مش هتصعدك، اللي بيفشل كمطرب بيعتقد إن السينما هترجعه للبريق.. ومصطفى افتقد الوهج، وبيمثل الدور من غير حالة من الوهج والشغف بيمثل وخلاص حافظ وبيأدي، مش حابب».

مصطفى قمر يرد على طارق الشناوي

قال مصطفى قمر عبر حسابه بموقع إنستجرام: 'هو أنا مش طلبت منك تبعد عني أصلًا ومتتكلمش عني علشان متتهزأش طيب انت اللي جيبته لنفسك عموما ياللي اسمك طارق'.

وتابع: 'انت كاتب كلام اهبل يدل للمرة المليون انك ماشفتش الفيلم وعموما اللي هيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني فكرني كدة شغلتك ايه من اريع حروف بيتهيألي'.

بشرى تدعم مصطفى قمر

كتبت بشرى عبر حسابها بموقع انستجرام:  'أنا آسفة يا مصطفى لكن أنا شايفة إن كل واحد حر في رأيه والرأي لا يمثل إلا صاحب الرأي لكن الجمهور شأن آخر والغالبية قد قالت كلمتها ورأي واحد سلبي وغير موضوي أمام آلاف الإشادات في قاموس النسبة والتناسب يساوي 1 في الألف أو المليون ودي نسبة لا تُذكر'.

واستكملت حديثها، وقالت: 'ثم لو الأستاذ طارق شايف إن حضرتك قديم واحنا كلنا 12 بطل وبطلة من الجيلين كلنا قدام هو حر، مع إنك يا أخي من أكتر النجوم معاصرة وتجديد ومن أول من أحدث تطوير في الأغنية المصورة وأغانيك بتتعلب في كل مكان ومحفوظة من كل الأجيال والغالب مستمر فاسمحلي أقولك يا مصطفى احنا نسيب كل جديد وحديث للأستاذ طارق واحنا قاعدين مبسوطين ومرحرحين ومظأطاطين في القديم.. ده حتى المثل بيقول القديمة تحلى ولو كانت وحلة'.

واختتمت بشرى حديثها، وقالت: 'إلا صحيح ما هو التعريف الرسمي للقديم وللحديث في المعجم الوجيز؟! أنا شخصيًا من مواليد التمانينات، وأحب القديم قوي.. ده حتى البقال معندوش جبنة جديدة بس عنده جبنة قديمة.. كان بالأحرى بالناقد الكبير كتابة نقد موضوعي وعدم إهمال جهود 12 ممثل في الفيلم ومنهم مجموعة من الشباب الواعد فقط لأن في أمر مشخصن كما يبدو مع شخص نجم الفيلم.. طب مش عاجبك القديم يا أستاذ طارق فيه 6 وجوع جديدة في الفيلم كلهم مش عاجبين حضرتك؟ ده قرار واعي بتحطيم الشباب بقى.. إذن لا تحدثني عن الحداثة وتتهمنا بالقدم'.