كارمن سليمان تطرح كليب "أناني إنت" من ألبوم "أصح غلطة"

طرحت الفنانة كارمن سليمان عبر قناتها الرسمية على موقع يوتيوب، أحدث أعمالها الغنائية فيديو كليب 'أناني إنت'، وهو إحدى أغنيات ألبومها الجديد 'أصح غلطة'.

أغنية 'أناني إنت' من كلمات عمر عبده علي، وألحان عمرو الشاذلي، وتوزيع عمرو الخضري، وتقول كلماتها:

'أناني انت

وبتطلع عقد نقصك

ومش شايف ولا هتشوف

كمان في الدنيا غير نفسك

أناني انت

أناني انت

وبتزود نقط ضعفي

عايزني حياتي واقفة عليك

عايزني اخسر معاك نفسي

أناني انت

ماكنتش يعني في الجنة

عشان لما امشي منها أموت

بقيت اشوف اللي كان بيننا

ده بيساوي الحياة بالموت

أنا ماأقبلش اعيش عمري

مجرد روح ومالهاش صوت

أناني انت

بقيت عايش تهد وبس

لا نافع فيك خلاص تغيير

وقلبك مات وصعب تحس

أناني انت

أناني انت

وبعدك عني أحسن حل

عشان على نفسي جمبك جيت

لدرجة قلبي منك مل

أناني انت'

ألبوم 'أصح غلطة'

يُذكر أن كارمن سليمان طرحت خلال الأيام الماضية 6 أغنيات أخرى من ألبومها الجديد، وهي: 'حب إيه يا حسرة'، 'الدنيا رايقة'، 'طبطب عليا'، 'صعبتها على اللي بعدي'، 'إنت وبس'، و'يا زعلانين'، ولاقت جميعها تفاعلًا واسعًا من جمهورها عبر السوشيال ميديا ومنصات الاستماع.