كريم قاسم يكشف سر خوفه من السوشيال ميديا: كلامي بيتاخد بره السياق

تحدث الفنان كريم قاسم عن سر قلة ظهوره الإعلامي، وبدايات عمله الفني.

قال كريم قاسم عبر تصريحات إذاعية: «بحب أنقي البرامج اللي بطلع فيها، وبتوتر جدًا لأني بحب أحافظ على سرية شخصيتي، وكلامي بيتاخد كتير برا السياق كتصريحات عشان كده بقيت حذر وبخاف من السوشيال ميديا».

تصريحات كريم قاسم

وقال عن أعماله الفنية: «بحب أذاكر أدواري جدًا، وبكون منجذب للشخصية عشان أعرف أشتغل عليها وبكون متعاطف مع كل الشخصيات مهما كانت، ولما عملت فيلم هيبتا كنت قربت أكره الشخصية من كتر ما كنت عايز أطلعها واقعية وحقيقية، وكان شخص توكسيك».

وعن بداياته الفنية، قال كريم قاسم: «كان حلمي أكون لاعب كرة أو ممثل، وبعد ما دخلت كلية هندسة حسيت إني بضحك على نفسي، وأول مرة تمثيل ليا كان في فيلم أوقات فراغ، ومثلت أول شوط في حياتي قدام الفنانة سلوى محمد علي، وكنت متوتر جدًا».

والد كريم قاسم

واختتم بمفاجأة عن والده، قائلًا: «اتعلمت من والدي كتير عن الفن وعن الإخراج والعدسات، وشغله كمدير إنتاج للأفلام الأجنبية علمني كتير لأني نزلت معاه مواقع التصوير».