«لو جوايا عيل صغير هتبسط».. كريم محمود عبدالعزيز يكشف مفاجأة عن علاقته ببناته

تحدث الفنان كريم محمود عبدالعزيز عن علاقته ببناته خديجة وكندة وحبيبة، والتعامل بينهم.

قال كريم محمود عبدالعزيز عبر تصريحات إعلامية: «بتعامل معاهم باللي جوايا، لو جوايا عيل صغير هتبسط همشي اتنطط وألعب».

تصريحات كريم محمود عبدالعزيز عن بناته

وتابع: «هما بقى واحدة منهم ممكن تقولي بس لأنها فاهمة أني فنان بس أنا مش هاممني عايز اتبسط ولازم تشوفني في الحالة دي عشان تفهمني».

واستكمل كريم محمود عبدالعزيز: «مش هبقى الأب اللي هقولها يلا عشان نمشي دلوقتي، لأ يلا نلعب ويلا ننبسط.. بيزعقولي بس مش بقلة أدب بهزار».

أسرار كريم محمود عبدالعزيز

وأضاف: «أنا كنت هسمي بنتي كندة اسم حبيبة وأبويا عجبه الاسم، وبعدين لما جت التالتة بقى مش عارفين نسميها إيه قلت ما نسميها حبيبة وكان أبويا اتوفى وكنا اخترناه مع بعض، وكان من ضمن الحاجات إنه كان إفيه بيني وبين أصحابي عشان كنت بقلد أستاذ عادل إمام في فيلم عريس من جهة أمنية بنته حلا شيحة كانت طالعه باسم حبيبة وبيقولها كل سنة وأنتي طيبة يا بيبا».

واختتم كريم محمود عبدالعزيز: «كان بالنسبالي إني هضحك في البيت بس الإفيه خلص من بدري وبقى اسم وخلاص مفيش إفيه».