لوسي عن دورها في مسلسل فهد البطل: بتشتغل بدراعها وكلمتها سيف

كشفت الفنانة لوسي تفاصيل دورها في مسلسل فهد البطل، ضمن مسلسلات رمضان 2025.

قالت لوسي عن دورها في مسلسل فهد البطل، عبر تصريحات تلفزيونية: «أنا مبعملش دور شبه التاني، ولا شخصية قدمتها قبل كده».

تصريحات لوسي

وتابعت: «وعشان كده ممكن تلاقوني السنة اللي فاتت معملتش حاجة، كان عندي أسباب كنت بمر بظروف، وفي مسلسل فهد البطل بقدم شخصية ست بتشتغل بدراعها، كلمتها سيف على رقبتها».

واستكملت لوسي: «ست جدعة جدًا، ولو وقفت قدام معلم بتقف قدامه زيها زيه، لكن في نفس الوقت هي ست جميلة وشخصيتها قوية، والأحداث مكتوبة بعناية، مش بس لشخصية فايزة، لكن لكل الشخصيات، وفيه تنوع كبير في المشاهد واللوكيشنات، أماكن جديدة هتريح عين المشاهد».

لوسي مسلسل فهد البطل

واختتمت: «أحمد العوضي حافظ شغله كويس جدًا، ومذاكر شخصيته بشكل رائع، حتى لو فيه مفردات شعبية جديدة عليّ بيصلحها لي، والتعاون بيننا ممتع جدًا، وحمزة العيلي ممثل مالوش حل ورائع في أدائه».

يضم مسلسل فهد البطل في بطولته بجانب أحمد العوضي ولوسي، كلًا من ميرنا نور الدين ومحمود البزاوي، أحمد عبدالعزيز، وكارولين عزمي، عصام السقا، ويارا السكري، وصفاء الطوخي، ومحسن منصور، وحجاج عبدالعظيم، وحمزة العيلي وآخرين.