مجدي سعيد: سلوكيات الفنان الشخصية تؤثر على زملائه.. ورشحت لـ الاختيار بهذه الطريقة

عبر الفنان مجدي سعيد عن رأيه في مقولة الفن حرام، وأكد أنه يجب على نقابة المهن التمثيلية التدخل للحد من تصرفات بعض الفنانين التي تتسبب في ظلم ممثلين آخرين.

مجدي سعيد في برنامج بنت البلد

قال مجدي سعيد في برنامج بنت البلد مع الفنانة نشوى مصطفى عبر قناة صدى البلد: «لازم النقابة يبقى ليها دور لأن في فنانين بيعمموا الإساءة لينا، فلازم النقابة توجههم، ويقولولي بلاش اللي عملته ده».

وتابع: «في ممثلين بيقولوا تعليق وبسببهم بيتاخد في الرجلين ناس تانية، لأن ممكن الواحد يعمل دور ونلاقي حد من الجمهور يقول بص اهو ده اللي بيقول إنه ممثل بص عامل إيه، أو حد يقول يا عم ده كان في واحد زميلكم في مسلسل بص عمل ايه، ومش لازم يبقى سلوك شخصي لأن هو ده الحرام، لأنك بتاخد ذنبين، أولهم ذنب واحد محافظ على نفسه ممكن يجوع وميعملش حاجة مش مقتنع بيها، فبتاخده معاك في الرجلين لأنه ممثل وانت ممثل».

وأضاف «سلوكيات الفنان الشخصية وفنه بيأثروا على الممثلين اللي زيه،  وده لأن الجمهور بيقول في الأخر ان ده ممثل وكلهم زي بعض (وحشين يعني والسيئة بتعم).

مجدي سعيد يتحدث عن مسلسل الاختيار

وعن مشاركته في الجزء الثاني من مسلسل الاختيار، قال مجدي سعيد: «السلام النفسي مهم للفنان، والدور جالي في مسلسل الاختيار لما حد من مساعدين المخرج بيتر ميمي كلمني وقالي ممكن تبعتلي صورة ليك، فبعتله، وهما جابوني على ما يبدو إني قريب للشخصية شكلًا، وبعدين روحت واتفقت وسألوني عندك علم بالشخصية قولتلهم ايوة والفترة نفسها عشتها، وكان وقتها مفيش إلا 17 حلقة بس جاهزين بعد كده كملولي الحلقات».

وكشف الفنان مجدي سعيد، عن أسباب نجاح شخصية محمود عزت، في مسلسل الاختيار، وقال: «كان من أسباب نجاح الشخصية المخرج بيتر ميمي، لأنه محضر شغله كويس جدًا».

مجدي سعيد: الفنان لازم يكون عنده كبرياء.. ومينفعش يشتكي من قلة الشغل

نشوى مصطفى: الفنان هشام جمال تكفل بمساعدة حالة بعد تقديمها عبر برنامج «بنت البلد»

نشوى مصطفى: الفنان هشام جمال تكفل بمساعدة حالة بعد تقديمها عبر برنامج «بنت البلد»

ماجد المصري لـ«صدى البلد»: «فيروس كورونا اتنقل لبنتي داليدا مني »

نسرين أمين في ظهور جديد مع ابنتها : أحلى حاجة في حياتي