محمد عبد الرحمن: تعلمت من عادل إمام.. والكوميديا لازم تكون ممزوجة بشيء تاني

تحدث الفنان محمد عبد الرحمن، عن رؤيته لتقديم الكوميديا في الأعمال الفنية، مؤكدًا أن المزج بين الكوميديا وأنواع أخرى من الدراما هو ما يمنح العمل قيمة أكبر، مشيرًا إلى أنه تأثر كثيرًا بنهج الفنان الكبير عادل إمام.

وقال محمد عبد الرحمن في تصريحات إذاعية: "مبحبش أعمل كوميدي لوحده، لازم يبقى معاه حاجة زي كوميدي ورومانسي أو كوميدي وأكشن أو اجتماعي، بحب أصعب التحدي وده اللي اتعلمته من أستاذ عادل إمام لأنه كان دايمًا يضيف جانب تاني جنب الكوميديا".

وفي سياق آخر، علق عبد الرحمن على تجربته في مسلسل "البرستيج"، الذي يُعرض حاليًا ضمن موسم درامي خاص، موضحًا أن مفهوم "البرستيج" لا يرتبط بالماديات أو المكانة الاجتماعية، بل هو انعكاس لسلوك الشخص وتعاملاته مع الآخرين.

وأضاف: "البرستيج مش حاجة مادية، ممكن تبقى شغلانتك بسيطة بس ليك حضور وهيبة واحترام، وده اللي بيخلي الناس تتعامل معاك بحدود وتقدير".

واختتم حديثه بالتطرق إلى تأثير مواقع التواصل الاجتماعي على الصورة العامة للناس، قائلًا: "السوشيال ميديا كسرت البرستيج ومبقاش في خصوصية، ولو السوشيال ميديا اختفت، البرستيج هيرجع تاني بقوة في كل مجالات الحياة".