محمود الليثي يبكي بسبب شيرين عبدالوهاب: لما كلمتني قلتلها فداكي مستقبلي وعمري وحياتي

تأثر الفنان محمود الليثي وهو يتحدث عن دعمه للفنانة شيرين عبدالوهاب، وبكى على الهواء أثناء حديثه عنها وعن عودتها.

قال محمود الليثي عبر تصريحات تلفزيونية: «وحشتينا أوي، شيرين عبدالوهاب أختي لحمي ودمي نجمة النجوم».

تصريحات محمود الليثي

وتابع: «أنا معملتش حاجة غير أقل حاجة تتعملها أنا حطيت عمري ومستقبلي كله كنت حطيت نفسي مع شيرين عشان ترجع لجمهورها».

واستكمل محمود الليثي: «أعرف شيرين عبدالوهاب من 30 سنة مش قادر أقول لما كلمتني وقالتلي عايزة أشوفك سبت اللي في إيديا وجريت عليها».

دعم محمود الليثي لشيرين عبدالوهاب

واختتم: «قلتلها أنا فداكي مستقبلي وعمري وحياتي أحطها قدامك بس ترجعيلنا منورة وتبقي زي ما أنتي».

ومن جانبها، قالت شيرين عبدالوهاب عنه: «مشفتش حد بيحب حد كده هو مش مضطر يعمل كده، كان بيدعيلي في كل ركعة صلاة، الدنيا لسه فيها ناس محترمة، وكان فاتح لي بيته وبعت جاب عفش عشان يفرش لي شقة عشان أبقى قاعدة وسط عيلته».