مصطفى بكري عن قانون الإيجار القديم: لو كل مالك قرر يطرد المستأجر هتبقى كارثة

حذر الإعلامي مصطفى بكري من خطورة تمرير قانون الإيجار القديم بصيغته الحالية، مشيرًا إلى أن المادة الثانية منه قد تؤدي إلى كارثة اجتماعية إذا لم يتم تعديلها.

وكشف بكري خلال تقديمه برنامج 'حقائق وأسرار' على قناة 'صدى البلد'، أن مجلس النواب سيناقش القانون يوم الأحد المقبل، وعلّق على تصريحات رئيس الوزراء مصطفى مدبولي قائلاً: 'التصريح الأخير فيه رسائل متضاربة.. قال إن فيه فترة انتقالية، وإن مفيش طرد، طيب لو كده ليه المادة اللي بتقول بعد ٧ سنين الناس تمشي؟'.

وأضاف: 'لو الحكومة ناوية تسيب العلاقة بين المالك والمستأجر بدون تدخل، ده خطر جدًا.. لأننا بنتكلم عن ملايين البشر، ومش كلهم عندهم بدائل، ولو كل مالك قرر يطرد المستأجر، الشرطة مش هتدخل، وساعتها إحنا اللي بنولّع نار الفتنة الاجتماعية بإيدينا'.

وأشار بكري إلى أن السكان في الشقق القديمة 'دفعوا دم قلبهم، وعملوا عقد بمزاج الطرفين، محدش ضرب المالك على إيده'، متسائلًا: 'ليه فجأة نقوله للمستأجر بعد ٧ سنين امشي؟ ده يولّد شعور بالظلم والرغبة في الانتقام'.

واختتم حديثه قائلاً: 'يا جماعة احذفوا المادة التانية وريحوا الناس، إحنا مش ناقصين قلق، لازم القانون يكون عادل ومتزن ويحقق التوازن بين الطرفين'.