معتز حسين: زمان كان فيه نظرة سلبية للمطلقين لكن دلوقتي العكس

قال الفنان معتز حسين إن نظرة المجتمع تغيرت تجاه الأسر المنفصلة مقارنة بالماضي، مؤكدًا أن الأهم هو مصلحة الأبناء واستقرارهم النفسي.

تحدث معتز حسين خلال استضافته في برنامج سبوت لايت، الذي تقدمه الإعلامية شيرين سليمان على قناة صدى البلد، عن رؤيته لعلاقة الوالدين بعد الانفصال ودوره كأب، وقال: "زمان المجتمع لما كان بيشوف أم أو أب مطلقين كان بيبص لهم بنظرة معينة، وكانوا بيبصوا للولاد بطريقة غريبة ويقولوا لولادهم خدوا بالكم من الولد ده، دلوقتي العكس بقى موجود".

وأضاف: "أنا عن نفسي الحمد لله أنا ووالدة ابني علاقتنا كويسة جدًا، وبنتجمع في أي مناسبة".

وتابع: "أنا من الآباء اللي مش بحب أبدًا أقول إني هاخد الولد من مامته، بالعكس الولد يبقى مع مامته وميتحرمش منها".

واستكمل: "دوري كأب إني أعوضه بحاجات تانية، وأكون موجود في يومه باستمرار، وأنا كل يوم بشوف ابني".