معتز حسين: ياسمين عبد العزيز افتكرتني واحد عايز يتصور معاها في أول مشهد يجمعنا| فيديو

كشف معتز حسين كواليس مشاركته في مسلسل وننسى اللي كان، وتفاصيل تقديمه لشخصية "هشام" أمام النجمة ياسمين عبد العزيز خلال موسم دراما رمضان 2026.

تحدث معتز حسين خلال استضافته في برنامج سبوت لايت، الذي تقدمه الإعلامية شيرين سليمان على قناة صدى البلد، عن كواليس العمل وردود فعل الجمهور على دوره، قائلًا: "أول يوم قابلت ياسمين عبد العزيز كان وقت مشهد عيد ميلادي في المسلسل، والدنيا كانت زحمة جدًا، وهي مكنتش عارفة مين هيعمل دور هشام".

وأضاف: "روحت سلمت عليها، فكانت فكراني حد من الناس اللي عايزين يتصوروا معاها، قولتلها أنا هشام، قالتلي أيوة مين؟ قولتلها أنا اللي هعمل الدور واسمي معتز حسين، فقالتلي آه، وكان لقاء لطيف جدًا".

وتابع: "الناس بقت توقفني في الشارع وتقولي يا هشام هتتجوز جليلة ولا لأ؟ وفي ناس كانت تسألني أنا جاي أأذيها ولا شخصية كويسة".

واستكمل معتز حسين حديثه، وقال: "في ناس كمان كانت بتقولي ممكن تتجوزوا وتسيب بدر، عشان شغلانة بدر أقل منها، لكن أنا فنان وهي فنانة ضمن أحداث المسلسل".