مفيش مستحيل.. إعادة يد شاب بعد قطعها في معجزة بجامعة الأزهر

أشاد الدكتور جمال شعبان، استشاري أمراض القلب، بالإنجاز الطبي الذي شهدته جامعة الأزهر الشريف، قائلا: عاشت جامعة الأزهر العريقة، وكلية طب الأزهر الرائدة، وعاش أطباء مصر.

وأوضح أن المعجزة حدثت في غرفة العمليات، قائلا: «والإيد رجعت والحمدالله!، بعد جراحة استغرقت ما يقرب من 12 ساعة متواصلة، شاب صغير اتعرض لحادث مروع».

وأضاف: «الإيد اتقطعت بالكامل من عند الرسغ، وفي لحظة… الحلم اتكسر، والأمل ضاع، والدنيا اسودّت، لكنهم والحمدلله في قسم جراحة التجميل – كلية طب الأزهر، ما بيعرفوش كلمة "مستحيل".

وأردف جمال شعبان، أن نواب جراحة التجميل بالأزهر دخلوا في سباق مع الزمن وتم حجز الحاله ودخلت علي عمليات الطوارئ في أقل من نص ساعة، وتم إجراء عملية دقيقة جدًا وصلوا فيها شرايين، أوردة، أعصاب، أوتار، عضلات كله اتوصّل بإتقان، وكأن الإيد عمرها ما اتقطعت.

وواصل أنه وبفضل الله، وبإيدين أطباء مخلصين، وتحت توجيهات أساتذة عظماء، رجعوا الحياة لإيد كانت انتهت، رجعوا الإحساس، والحركة، والأمل.

وقال استشاري أمراض القلب: دي مش قصة خيالية ولكنها قصة حقيقية من قلب مستشفى سيد جلال بطب الأزهر، مردفا: هتفضل علامة من ضمن علامات كتير في تاريخ القسم، ودليل على اللي قدر أطباء من مصر في طب الأزهر يوصلوا له بإذن الله.

وأكمل: دي مش مجرد عملية، دي حياة رجع ليها الأمل، والشكر موصول حقيقي " لاصحاب الفضل اللي بيتعلموا ولسه بيتعلموا علي ايديهم ، باقة من أكبر أساتذة جراحة التجميل في مصر والوطن العربي". برئاسة (اد/ طارق البانوبي ) استاذ جراحة التجميل بطب الأزهر.

وقال إن هذا يأتي تحت توجيهات ودعم (اد/ محمد أسامة) استاذ مساعد جراحة التجميل بطب الازهر وشكر خاص حقيقي للناس اللي تعبت وسهرت وبفضل الله ربنا اعانهم وكانوا سبب في إعادة الامل د/ عبدالله السعدني مدرس م جراحة التجميل بالأزهر.

كما شكر فريق التخدير والأطباء المقيمين بقسم جراحة التجميل د/ احمد عبدالحفيظ، د/ عمر جبريل، د / عبدالله ابو المجد، د/ احمد البحيري، د/ حسام التهامي، د/ السيد حسن، د/ محمد هريسه، وفريق التمريض والعمليات، "ودائما كل الشكر للأزهر الشريف منارة العلم والايمان " برئاسة الإمام الدكتور أحمد الطيب شيخ الأزهر، "وطب الازهر قلعة الطب التاريخية علي مر العصور " برئاسة اد /حسين أبو الغيط عميد كلية الطب جامعة الأزهر "وشكر خاص لإدارة مستشفيات جامعة الأزهر "، اللي وقفوا بجانب الحالة لحظة بلحظة ووفروا جميع التسهيلات عشان الحالة تتحجز وتتلقي الرعايه الصحية.