ملخص تصريحات فيفي عبده : مفيش مانع من الزواج العرفي ونمت في بير السلم لهذا السبب

أثارت الفنانة فيفي عبده ضجة واسعة خلال الساعات القليلة الماضية بسبب تصريحاتها الجريئة، التي تحدثت من خلالها عن زيجاتها ورأيها في الزواج العرفي وغيرها من الأسرار في حياتها.

ملخص تصريحات فيفي عبده

قالت فيفي عبده في تصريحات تلفزيونية لها: «اتجوزت شخص غيور جدًا وشك فيّا لما كنت بشتغل مع مخرج سعودي، وحبيت واحد هندي والمفروض كنا نتجوز ووالدي مات فمكنش ينفع أسيب أخواتي وأروح الهند».

وتحدثت فيفي عبده عن بداياتها الفنية قائلة: «فريد الأطرش قال لي الفنان بيفضل يترعش كده خايفين من لقاء الجمهور، ومحدش ساندني في انطلاقتي، وشهادة الخبرة أهم بكتير من شهادة المدرسة».

أسرار فيفي عبده

واستكملت كلامها قائلة: «أول ثقة خدتها لنفسي من الفنانة نجوى فؤاد وسهير زكي ودول اللي كانوا على الساحة وكانوا نجوم، ومبحبش المراية خالص ومسلماها لربنا وربنا عارف إني مش هعرف ألعب في وشي كتير وكل تجعيدة في وشي لها ذكرى».

وعن رأيها في الزواج، قالت فيفي عبده: «أنا مع الجواز العرفي مفيش مانع، ومقدرش أكون زوجة تانية أبدًا ولعبت دور في كيد النسا وشيبتها، والراجل مفيش حاجة تملى عنيه».

أهل فيفي عبده

أهل فيفي عبده تحدثت عنهم وقالت: «نمت في بير السلم بسبب رفض أهلي في البداية للرقص ولما حسيت ببرد الدنيا لجأت لأهلي ومليش غير البيت مش الشارع ولا تحت بير السلم».

وتابعت: «أنا بحارب الناس اللي بتهين مهنة الرقص ده فن ومش محتاج ترجمة، ومسجلتش المسرحيات بتاعتي كلها مكنش عندي وقت من الأفلام، وكنت بنام ساعتين بس لأني عملت 25 فيلم في 10 سنين مع الأمومة».

أعمال فيفي عبده

وضمن تصريحات فيفي عبده أيضًا: «فيلم القاتلة نقطة تحول في التمثيل والناس عملت فقرة الميد نايت بسبب نجاح الفيلم ده، وأنا طالعة من تانية ابتدائي وكويس إني ثقفت نفسي بنفسي».

واختتمت كلامها: «مش بخاف من الموت هو الحاجة الحقيقة في الدنيا لا مفر منها الواحد لازم يعمل لآخرته، وشرين عبد الوهاب من حقها تعيش مع جوزها بالطريقة اللي تريحها ومن الحب ما قتل».

فيفي عبده

فيفي عبده

فيفي عبده تكشف أسرارها : كنت مضطرة أجهض طفلي الأول وتزوجت 5 مرات

فيفي عبده في تصريح ناري: أمي كانت بتضربني بالكرباج