منى زكي باكية: زوجي وأولادي أنقذوني من الضياع

ظهرت الفنانة منى زكي تبكي بسبب الانتقادات التي تتعرض لها، وتأثرها الشديد بعد تذكرها لدعم المحبين لها.

قالت منى زكي في الجلسة النقاشية حول المرأة في صناعة السينما على هامش فعاليات مهرجان البحرين السينمائي: «اللي تلقيته مساندة كبيرة أوي من الوسط ليا، فشكرًا مليون مرة».

بكاء منى زكي بسبب الانتقادات

وتابعت: «اللي ساعدني إني عديت من المرحلة دي هما زمايلي اللي وقفوا جنبي في الوقت ده، وبيبقى في انهيار في الأول، وبعدها بعلّم نفسي وبقول عندي حاجات أهم من اللي بيحاول يكسرني».

واختتمت منى زكي حديثها، قائلة: «وجود زوجي وأولادي من نعم ربنا عليا، وهما اللي أنقذوني وبيخرجوني من أي انكسار وضياع».

منى زكي

تحضيرات منى زكي لفيلم الست

وتحدثت الفنانة منى زكي عن تحضيراتها لفيلم الست، عن السيرة الذاتية لكوكب الشرق أم كلثوم.

قالت منى زكي عبر تصريحات تلفزيونية: «اتعلمت بشكل مش عادي حاجات كتير أوي في الفيلم ده ولغاية دلوقتي أنا جوايا حاسة إني بصحى من النوم مع إني مخلصة من 10 أيام تقريبًا بقول أنا نسيت أذاكر كذا لثومة، أنا نسيت أحفظ وأقول لنفسي إنتي خلصتي».

وأضافت: «كل يوم بحاول أفكر نفسي إني خلصت، في شخصيات بتأثر فيكي مش شرط تجيب اكتئاب بس فكرة إنك مش عايزة تسيبيها ومش عارفة ترجعي لنفسك أوي بتبقي مزنوقة في النص».