مي عمر: بعمل حوادث عربيات كتيرة واللي جوزها يخونها تطلق

تحدثت الفنانة مي عمر عن رأيها في خيانة الزوج لزوجته، كما كشفت موقفها من ارتداء ملابس دور الأزياء العالمية.

قالت مي عمر عبر تصريحات تلفزيونية: «الست اللي جوزها يخونها تطلق طبعًا، لأن في وجهة نظري اللي بيخون مرة هيخون كتير».

تعليق مي عمر عن الخيانة

وتابعت: «صعب جدًا حد يخون مرة واحدة، وأما الرجل بيخون بيكون في فجوة وكسر كبير صعب تصليحه، وهتفضل طول الوقت مجروحة منه وشاكة فيه».

واستكملت مي عمر حديثها عن الخيانة: «والاتنين دول مع بعض هيخلوا الحياة صعبة جدًا، ممكن جدًا يحاولوا يتجاوزوا الموضوع بس اعتقد إنه صعب».

مي عمر

تصريحات مي عمر

وفيما يخص إطلالاتها وملابسها، قالت: «عندما اختار ملابس أدواري يبقى على حسب الشخصية، في (لؤلؤ) كانت بتلبس شيك لأن الشخصية طالعة مطربة مشهورة في الوطن العربي، وطبيعي تلبس لبس حلو جدًا، وهي فقيرة كانت بتلبس لبس مناسب للطبقة اللي هي منها».

وأضافت مي عمر: «في الآخر أنت بتلبس للشخصية اللي أنت بتعملها، أنا في (نعمة الأفوكاتو) كانت الفكرة المقدمة في البداية عن سيدة تتعرض للخيانة الزوجية ويحاولا قتلها، ولكنها تعيش، لم تكن الطبقة الاجتماعية محددة وكان نفسي أعمل حاجة مختلفة، لأن اللبس والأزياء الزيادة قدمتها كتير في حياتي».

وقالت أيضًا: «أنا عايزة أعمل حاجة جديدة، عايزة أبقى مش أنا، مش عايزة أعمل واحدة شبه مي أو لؤلؤ، اقترحت على محمد سامي أن تكون شخصية نعمة الأفوكاتو شعبية، قولت له نفسي تبقى بتربونة وبتلبس لبس بسيط، قال لي ماشي بس أنا مش عايز مكياج خالص».

وتابعت مي عمر: «ممكن ألبس من أي براند مش مشهور، بس بجد البراندات حاجتها حلوة، في حاجات كتيرة في براندات كبيرة بتبقى بجد حلوة بس معنديش عقدة البراندات».

اعتراف من مي عمر لزوجها

واعترفت لزوجها المخرج محمد سامي بسر على الهواء، قائلة: «محمد ميعرفش المعلومة دي ولسة هيسمعها دلوقتي، أنا كنت بركن عربيتي من يومين وعربية محمد كانت راكنة ورايا خبطت عربيته، يعني ريحت سنة عليها».

واختتمت الفنانة مي عمر: «أنا بعمل حوادث عربيات كتيرة عندي حادثة بعملها كتير هي نفس الحادثة بكررها، وهي إني بسرح وأنا بسوق وأخبط في اللي قدامي، وبعمل حوادث وأنا بركن العربية».

محمد سامي ومي عمر

مسلسل نعمة الأفوكاتو