مي عمر ترد على منتقدي كثرة الفنانين على بوستر مسلسل إش إش: مقيدين بعدد معين

ردت الفنانة مي عمر عن انتقادات كثرة الفنانين على بوستر مسلسل إش إش، المقرر أن تنافس به الفنانة مي عمر ضمن موسم دراما رمضان 2025.

كتبت مي عمر في منشور عبر حسابها الرسمي بموقع فيس بوك: «بالعكس، أنا لو أقدر أحط كل الناس اللي شاركوا في المسلسل، حتى لو بدور مشهد أو مشهدين، هعمل كده».

مي عمر ترد على منتقدي بوستر مسلسل إش إش

وتابعت: «لأن أي حد شارك هو جزء من نجاح العمل، وفي النهاية، المسلسل ده مجهود جماعي.. بس للأسف إحنا مقيدين بعدد معين، ولو نقدر نحط كل الناس اللي اشتغلت كنا عملنا كده».

واختتمت مي عمر: «وعامل البوفيه اللي البعض ممكن يتريق عليه، أهميته متقلش أبدًا عن أي حد فينا.. لأن ده عمل جماعي، وكل شخص ساهم فيه هو جزء من نجاحه».

أبطال مسلسل إش إش

تضم قائمة أبطال مسلسل إش إش كلًا من مي عمر، وماجد المصري، وإدوارد، ودينا، وانتصار، وشيماء سيف، وطارق النهري، وإيهاب فهمي، ومحمد الشرنوبي، وأحمدعبدالله، وندى موسى، وهالة صدقي، وعصام السقا وآخرين.