ميار الببلاوي: أنا قاعدة في المقابر مش عايزة أرجع البيت

تحدثت الفنانة ميار الببلاوي عن أزمتها بسبب تصريحاتها عن طلاقها وعودتها له مجددًا، وكيف أثرت عليها.

قالت ميار الببلاوي عبر تصريحات تلفزيونية إنها أصبحت لا تحب البقاء في المنزل، وتفضل التواجد في المقابر لزيارة والدتها.

تصريحات ميار الببلاوي

وتابعت: «عندما تعرضت لأزمتي الأخيرة ذهبت للمقابر أزور أمي، وقلت لها هو أنا مين هيطبطب عليا أنا مش لاقيه حد يطبطب عليا لو سمحتي تعالي».

وأضافت ميار الببلاوي: «تعالي قوليلي إني عمري ما عملت حاجة حرام في حياتي حتى من زمان، من قبل ما التزم وأنا بخاف، أنا بخاف من ربنا خوف مرضي، أنا قاعدة في وسط المقابر كتير من ساعة ما الموضوع دا حصل مبقتش عايزة أرجع البيت».

ميار الببلاوي

والدة ميار الببلاوي

وقالت عن والدتها: «والدتي توفت منذ عامين، روحي راحت مني، بنت عمي دايمًا بتقولي (مرات عمي ماتت وإنتي إدفنتي)، أنا كنت دايمًا بحب الناس، لا بقيت أخرج ولا بكلم الناس أنا بعمل شغلي علشان دا أكل عيشي».

واختتمت ميار الببلاوي: «أنا كنت بحب أسافر بقيت عايزة أروح بس أعملها عمرة، قعادي في المقابر بقى أكتر من قعادي في البيت وحياتي بقت هناك تقريبًا كل يوم وبقولها كل حاجة عن ابني وعن إيه حصل زي ما كنت بكلمها بالظبط وحتى الشيخ قالي كده كتير ومش كويس أنا دارسة وعارفة أن غلط نروح المقابر كتير إحنا بنروح للعظة».

ميار الببلاوي