ميدو يطالب الخطيب ولبيب بإيقاف المهزلة ضد شيكابالا

وجّه أحمد حسام "ميدو"، نجم الزمالك ومنتخب مصر السابق، انتقادات حادة للمهاجمين لمحمود عبد الرازق "شيكابالا"، نجم القلعة البيضاء السابق، مطالبًا الثنائي حسين لبيب ومحمود الخطيب بالتدخل لإيقاف ما وصفه بـ"المهزلة".

وقال ميدو عبر حسابه الرسمي على موقع التواصل الاجتماعي «إكس»:" الإرهاب الإعلامي اللي بيطبّقه إعلام الأهلي بقاله سنين على ولاد النادي قبل ولاد المنافسين، لأي حد يعترض على سياسة إدارة النادي، بدأ يتطبق في الزمالك".

وأضاف:" شيكابالا قال رأيه في الماتش، وإن المدرب لازم يمشي، وإنه السبب الرئيسي في ظهور الفريق بالشكل ده. رأيه ده رأي كل الزمالكاوية".

وتابع:" القُبَضَة والمنتفعين مدورين عليه ومطلعينه بيصفي حسابات!! بيصفي حسابات مع مين؟ الراجل خدم النادي 30 سنة من وهو طفل صغير، واعتزل بقرار منه شخصيًا".

وأوضح:" هو شيكابالا لو كان عايز يكمل السنة اللي فاضلة في عقده ماكانش هيكملها غصب عن أي حد؟! ومش معنى إنكم مرضى إن الناس كلها مرضى زيكم. أنتم ما بتشوفوش الناس بعينكم، أنتم بتشوفوا الناس بقلبكم المريض المليان حقد وغل!!".

وأكد:" مافيش في الدنيا أي حاجة تستاهل قلة الأدب دي!! محمود الخطيب وحسين لبيب، أنتم مسؤولين عن اللي بيحصل، عاملين نفسكم مش واخدين بالكم!! ده كلام تقولوهولنا إحنا؟! هتقولوا لربنا إيه؟! أوقفوا المهزلة دي لو سمحتم".